Latest News :

விஜய்க்கு மாஸ் ஹிட் கொடுத்த இயக்குநர் படத்தில் நடிக்கும் அஜித்!
Wednesday February-14 2018

இயக்குநர் சிறுத்தை சிவாவுடன் தொடர்ந்து நான்காவது முறையாக அஜித் இணைந்திருப்பது அவரது ரசிகர்களுக்கு சற்று கலக்கத்தைக் கொடுத்தாலும், படத்தின் கதைக்களம் மற்றும் அஜித்தின் லுக் போன்றவற்றால் சற்று ஆறுதலும் அளித்துள்ளது.

 

படப்பிடிப்பு ஆரம்பிப்பதற்கு முன்பாகவே ‘விஸ்வாசம்’ என்று படத்தின் தலைப்பை அறிவித்து ரசிகர்களை உற்சாகப்படுத்திய தயாரிப்பு தரப்பு, ஹீரோயினாக நயந்தாராவையும், இசையமைப்பாளராக டி.இமானையும் ஒப்பந்தம் செய்து மேலும் ரசிகர்களை குஷியடையச் செய்துள்ளது.

 

’விஸ்வாசம்’ படத்தின் படப்பிடிப்பு பிப்ரவரி 22 ஆம் தேதி தொடங்க இருப்பதாக ஒரு தரப்பு கூறி வரும் நிலையில், ஏற்கனவே படப்பிடிப்பு தொடங்கி விட்டதாகவும் தகவல்கள் கசிந்துக் கொண்டிருக்கிறது. வட சென்னை போன்ற செட் போடப்பட்டு அதில் தற்போது அமைதியான முறையில் படப்பிடிப்பு நடைபெற்று வருவதாகவும் கூறப்படுகிறது.

 

இந்த நிலையில், ‘விஸ்வாசம்’ படத்திற்குப் பிறகு விஷ்ணுவர்தன் இயக்கத்தில் அஜித் நடிக்க இருப்பதாகவும், அதற்கான கதையை அவர் ஓகே செய்துவிட்டதாகவும் கூறப்பட்டு வந்த நிலையில், தற்போது விஜய்க்கு மாஸ் ஹிட் கொடுத்த இயக்குநரின் படத்தில் அஜித் அடுத்ததாக நடிக்க இருப்பதாக தகவல் கசிந்துள்ளது.

 

ஆம், விஜய்க்கு ‘போக்கிரி’ என்ற மாஸ் ஹிட் கொடுத்த பிரபு தேவா, சமீபத்தில் அஜித்தை சந்தித்து கதை ஒன்றை கூறினாராம். அஜித்துக்கும் அந்த கதை பிடித்துவிட்டதால், நடிக்க சம்மதம் தெரிவித்துவிட்டாராம். தற்போது நடிப்பதில் தீவிரம் காட்டி வரும் பிரபு தேவா, அஜித்தை இயக்க வேண்டும், என்று நீண்ட நாட்களாக ஆசைப்பட்டுக் கொண்டிருந்தாராம். ஆனால், அது கைகூடி வரும் நிலையில் தான் அவர் ஹீரோவாக நடித்த படம் வெற்றி பெற்றதால், தொடர்ந்து அவர் நடிப்பதில் கவனம் செலுத்தி வரும் சூழல் ஏற்பட்டதால், அஜித்தை இயக்க முடியாமல் போய்விட்டதாம்.

 

தற்போது, அஜித்திடம் தனது கதையை சொல்ல பிரபு தேவாவுக்கு ஒரு வாய்ப்பு கிடைக்க, அதை பயன்படுத்தி தனது கதையை சொல்லியிருக்கிறார். அஜித்துக்கும் கதை பிடித்துவிட்டதோடு, பிரபு தேவா இந்தி மற்றும் தமிழ் ஆகிய மொழிகளில் இயக்குநராக பல வெற்றிப் படங்களைக் கொடுத்திருப்பதாலும், அவரது படங்கள் ரசிகர்களை கவரும் விதத்தில் இருப்பதாலும், சம்மதம் சொல்லிவிட்டதாக கூறப்படுகிறது.

Related News

1989

‘ஆண் தேவதை’ இயக்குநர் தாமிராவுக்கு வந்த சோதனை!
Wednesday October-17 2018

நல்ல படம் எடுத்தாலும், அப்படம் மக்களிடம் வரவேற்பு பெற்றாலும், சில சினிமாக்காரர்களினாலேயே அப்படங்களுக்கு சோதனையும் வந்துவிடுகிறது...

’முடிவில்லா புன்னகை’ பட தயாரிப்பாளரை அழ வைத்த அறிமுக ஹீரோ!
Wednesday October-17 2018

‘முடிவில்லா புன்னகை’ என்று தனது முதல் படத்திற்கு தலைப்பு வைத்த தயாரிப்பாளர் ஒருவர், அப்படத்தின் ஹீரோவினால் கண்ணீர் விட்டு அழும் நிலைக்கு சென்றிருக்கிறார்...

சின்மயி செயலால் குடும்ப பெண்களுக்கும் கெட்டப்பெயர் - தயாரிப்பாளர் பி.டி.செல்வகுமார் காட்டம்
Wednesday October-17 2018

பாடகி சின்மயி, கவிஞர் வைரமுத்து மீது தெரிவித்து வரும் பாலியல் புகார் விவகாரம் தொடர்பாக சினிமா பிரபலங்கள் பலர் அவருக்கு ஆதரவு தெரிவித்தாலும், பலர் எதிர்ப்பும் தெரிவித்து வருகிறார்கள்...

Recent Gallery