Oct 22, 2017 10:02 AM

’மெர்சல்’ சர்ச்சை - விஜய்க்கு ரஜினிகாந்த் ஆதரவு தெரிவித்தாரா?

’மெர்சல்’ சர்ச்சை - விஜய்க்கு ரஜினிகாந்த் ஆதரவு தெரிவித்தாரா?

மெர்சல் விவகாரத்தில் திரையுலகமே விஜய்க்கு ஆதரவு தெரிவித்து வரும் நிலையில், தற்போது ரஜினிகாந்தும் விஜய்க்கு ஆதரவாக ட்விட்டரில் கருத்து தெரிவித்ததாக தகவல் வெளியாகியுள்ளது.

 

ஜி.எஸ்.டி-க்கு எதிராக மெர்சல் படத்தில் இருக்கும் வசனங்களை நீக்க கூடாது என்றும், மக்களின் குரலாக ஒலிக்கும் வசனங்களை படத்தில் வைத்த இயக்குநர் அட்லி மற்றும் நடிகர் விஜய் உள்ளிட்ட மெர்சல் குழுவினருக்கு தனது வாழ்த்துக்கள், என்றும் அந்த ட்விட்டர் பதிவில் தெரிவிக்கப்பட்டுள்ளது.

 

ஆனால், அந்த ட்விட்டர் கணக்கு ரஜினிகாந்துடையது அல்ல என்றும், அது போலியான கணக்கும் என்று ரஜினிகாந்த் தரப்பில் விளக்கம் அளிக்கப்பட்டுள்ளது.

 

கமல்ஹாசன் உள்ளிட்ட பல நடிகர்களும், இயக்குநர்களும் மெர்சல் விவகாரத்தில் பா.ஜ.க-வுக்கு எதிர்ப்பும், விஜய்க்கு ஆதரவும் தெரிவித்து வரும் நிலையில், ரஜினிகாந்த் இதுவரை எந்தவித கருத்தும் தெரிவிக்கவில்லை, என்பது தான் உண்மை.