சுந்தர்.சி இயக்கத்தில் மிகப்பெரிய பிரம்மாண்ட படமாக உருவாக உள்ள சங்கமித்ரா படத்தில் ஹீரோயினாக ஒப்பந்தமான ஸ்ருதி ஹாசன், திடீரென்று படத்தில் இருந்து விலக, வேறு ஹீரோயினை தேட தொடங்கிய படக்குழுவினர், அப்படியே படத்தின் மற்ற பணிகளிலும் ஈடுபட்டு வந்தது.

தற்போது சங்கமித்ரா படத்தின் ஹீரோக்களான ஆர்யா, ஜெயம் ரவி ஆகியோர் படத்திற்கு ஏற்ற கெட்டப்போடு, குதிரை ஏற்றம், வாள் சண்டை ஆகியவற்றின் பயிற்சிகளை முடித்துக்கொண்டு தயாராக இருக்க, ஐதராபத்தில் பிரம்மாண்ட செட்டும் தயாராகிவிட்ட நிலையில், படத்தின் முக்கிய கதாபாத்திரமான சங்கமித்ரா மட்டும் இன்னும் கிடைக்கவில்லையாம்.

ஹன்சிகா சங்கமித்ராவாக நடிப்பார் என்று வெளியான தகவலை படக்குழுவினரே மறுத்துவிட்டதால், ஹீரோயின் வேட்டை தொடர்ந்து ஈடுபட்டு வரும் சுந்தர்.சி, தனது கனவு படத்திற்கான கனவு நாயகி கிடைக்காமல் திண்டாடிக்கொண்டிருப்பதாக கூறப்படுகிறது.