Apr 19, 2018 03:12 PM
’மூடர் கூடம்’ இயக்குநருடன் இணைந்த விஜய் ஆண்டனி!
விஜய் ஆண்டனி நடிப்பில், கிருத்திகா உதயநிதி இயக்கத்தில் உருவாகியுள்ள ‘காளி’ விரைவில் வெளியாக உள்ள நிலையில், விஜய் ஆண்டனியின் அடுத்தப்படம் குறித்த அறிவிப்பு இன்று வெளியாகியுள்ளது.
ஓவியா நடிப்பில் வெளியாகி வெற்றி பெற்ற ‘மூடர் கூடம்’ படத்தை இயக்கிய நவீன் இயக்கத்தில் தான் விஜய் ஆண்டனி அடுத்ததாக நடிக்க இருக்கிறார். இப்படத்தை அம்மா கிரியேஷன்ஸ் டி.சிவா தயாரிக்கிறார். இவர் தயாரிக்கும் 23 வது படம் இது என்பது குறிப்பிடத்தக்கது.
ஆக்ஷன் திரில்லர் படமாக உருவாகும் இப்படத்தின் பிற நடிகர், நடிகைகள் மற்றும் தொழில்நுட்ப கலைஞர்கள் தேர்வு நடைபெற்றுக் கொண்டிருக்கிறது. இன்னும் தலைப்பு வைக்காத இப்படத்தின் படப்பிடிப்பு ஜூலை மாதம் முதல் தொடங்குகிறது.