Sep 23, 2017 03:27 AM

இதிலுமடா...சாதனை! - ‘மெர்சல்’ படத்தை கலாய்க்கும் அஜித் ரசிகர்கள்!

இதிலுமடா...சாதனை! - ‘மெர்சல்’ படத்தை கலாய்க்கும் அஜித் ரசிகர்கள்!

விஜய் படங்கள் ரிலீஸின் போது பல பிரச்சினைகளை சந்திப்பது வழகமாகிவிட்டது. துப்பாக்கி, தலைவா என்று அடுத்தடுத்து பிரச்சினைகளை சந்தித்து வந்த விஜய் படங்களின் வரிசையில் ‘மெர்சல்’-லும் இணைந்துள்ளது.

 

டீசர் வெளியாகி பல சாதனைகளை படைத்துக் கொண்டிருக்க, ‘மெர்சல்’ என்ற தலைப்பை பயன்படுத்த நீதிமன்றம் தற்கால தடை விதித்துள்ளது. இந்த தடையை எதிர்த்து ஸ்ரீ தேனாண்டாள் நிறுவனம் பதில் மனு தாக்கல் செய்துள்ளது.

 

இந்த நிலையில், டீசர் வெளியான ஒரே நாளில் அதிக லைக்குகள் பெற்று ‘விவேகம்’ படத்தின் உலக சாதனையை முறியடித்த ‘மெர்சல்’ படம் குறித்து விஜய் ரசிகர்கள் மகிழ்ச்சியில் இருக்க, அந்த மகிழ்ச்சி சிறிது நேரம் கூட நிலைக்காத வகையில், அஜித் ரசிகர்கள் ‘மெர்சல்’ படத்தை கலாய்க்க தொடங்கியுள்ளார்கள்.

 

லைக்குகளில் சாதனை நிகழ்த்திய ‘மெர்சல்’, டிஸ் லைக்கிலும் சாதனை புரிந்துள்ளதாம். அதாவது யுடியூபில் இதுவரை எந்த ஒரு வீடியோவும் பெறாத அளவுக்கு அதிகமான டிஸ் லைக்குகளை பெற்று ‘மெர்சல்’ சாதனை நிகழ்த்தியுள்ளதாம்.

 

இந்த விஷயத்தை வைத்து விஜையும், ‘மெர்சல்’ படத்தையும் ஓட்டு...ஓட்டு...என்று ஓட்டும் அஜித் ரசிகர்கள், ”இதிலுமடா...சாதனை!” என்று கலாய்ப்பதுடன், அதிக லைக்குகளில் சாதனை நிகழ்த்திய முதல் தமிழ்ப் படம் ‘விவேகம். அதிக டிஸ் லைக்குகளில் சாதனை நிகழ்த்திய் படம் ‘மெர்சல்’ போன்ற மீம்ஸ்களையும் வெளியிட்டு வருகிறார்கள்.

 

ஏற்கனவே இயக்குநர் அட்லியை வைத்து ‘மெர்சல்’ படத்தை கிண்டல் செய்து மீம்ஸ்கள் வெளியிட்ட அஜித் ரசிகர்கள், தற்போது படத்தின் டீசர் பெற்ற டிஸ் லைக்குகளை வைத்து வெளியிடும் மீம்ஸ்களால் விஜய் ரசிகர்கள் பெரும் சோகத்தில் முழ்கியிருக்கிறார்கள்.

 

விடுமுறைக்கு போன விஜயை நிம்மதியா இருக்க விட மாட்டாங்க போல.