நயந்தாரா கலெக்டர் வேடத்தில் நடித்திருக்கும் ‘அறம்’ படம் முடிவடைந்து பல நாட்கள் ஆனாலும் இன்னும் ரிலீஸ் ஆகாமல் உள்ளது. இதற்கிடையே, இப்படத்திற்உ தணிக்கை குழு யு சான்றிதழ் வழங்கியுள்ளது.

கோபி நைனார் இயக்கியுள்ள இப்படத்தை கொட்டப்படி ஜெ.ராஜேஷ் என்பவர் தயாரித்திருந்தாலும், நயந்தாரா தான் இப்படத்தின் உண்மையான தயாரிப்பாளர்.

சமீபத்தில் இப்படத்தை பார்த்த சென்சார் குழுவினர், படத்தின் கதையையும், நயந்தாராவின் நடிப்பையும் வெகுவாக பாராட்டியதோடு, படத்தில் துணிவாகவும் திறம்படவும்  அலசப்பட்டிருக்கும் சமுதாய பிரச்சனைகளையும் மனமார பாராட்டியுள்ளனர். இந்த பாராட்டு 'அறம்' பட குழுவினரை மகிழ்ச்சியில் ஆழ்த்தியுள்ளது. 

காக்கா முட்டை படத்தில் நடித்த சிறுவர்கள் முக்கிய கதாபாத்திரத்தில் நடித்துள்ள இப்படம் விரைவில் வெளியாக உள்ளது.