Oct 04, 2017 02:08 PM

’மெர்சல்’ படத்திற்கு கிடைத்த மற்றொரு பெருமை!

’மெர்சல்’ படத்திற்கு  கிடைத்த மற்றொரு பெருமை!

விஜய் நடிப்பில் வரும் தீபாவளிக்கு வெளியாக உள்ல ‘மெர்சல்’ படத்தின் தலைப்பு, ரிலீஸில் சிக்கல் என்று பலவிதமான பிரச்சினைகளை சந்தித்து வந்தாலும், பல சாதனைகளையும், பெருமைகளையும் பெற்று வருகிறது.

 

டிவிட்டர் எமோஜி, டைடில் டிரேட் மார்க் மற்றும் டீசர் அதிக லைக்குகள், டிரைலரை இரண்டு கோடிக்கும் அதிகமானோர் பார்த்தது, என்று தென்னிந்திய திரைப்படங்கள் எவையும் செய்யாத சாதனைகளை செய்து வரும் ‘மெர்சல்’ மேலும் ஒரு பெருமையாக, பிரான்ஸ் நாட்டில் தலைநகர் பாரிஸில் உள்ள கிராண்ட் ரெக்ஸ் (Grand Rex) திரையரங்கில் வெளியாக உள்ளது.

 

ஐரோப்பாவின் மிகப்பெரிய திரையரங்கமான கிராண்ட் ரெக்ஸ் திரையரங்கில் ஒரு படம் வெளியாவது என்றால், அப்படம் பெருமை மிக்க படமாக கருதப்படுகிறது.

 

இதற்கு முன்பாக ரஜினிகாந்தின் கபாலி, பாகுபலி ஆகிய தென்னிந்திய படங்கள் மட்டுமே வெளியாகியுள்ள நிலையில், தற்போது விஜயின் ‘மெர்சல்’ படமும் அப்பெருமையை பெற்றுள்ளது.