Oct 12, 2017 10:25 AM

தீபாவளி அன்பளிப்பாக அனைவருக்கும் ரூ.10 ஆயிரம் - விஷால் அறிவிப்பு

தீபாவளி அன்பளிப்பாக அனைவருக்கும் ரூ.10 ஆயிரம் - விஷால் அறிவிப்பு

தேவி அறக்கட்டளை மூலம் ஏலை எளியோருக்கு பல வகையில் உதவி செய்து வரும் நடிகர் விஷால், தென்னிந்திய திரைப்பட தயாரிப்பாளர்கள் சங்கத்தின் தலைவராக பொறுப்பேற்றதில் இருந்து, தயாரிப்பாளர்களின் நலனுக்காக பல்வேறு நடவடிக்கைகளை எடுத்து வருகிறார்.

 

இதற்கிடையே, தயாரிப்பாளர்கள் சங்கம் சார்பாக ஒவ்வொரு தீபாவளியன்றும் வழங்கப்படும் பட்டாசு மற்றும் இனிப்புக்கு பதிலாக அன்பளிப்பாக பண உதவி செய்ய வேண்டும் என்று விஷாலிடம் உறுப்பினர்கள் கோரிக்கை வைத்தனர். இந்த கோரிக்கையை ஏற்றுக்கொண்ட விஷால், இந்த ஆண்டு முதல் சங்கத்தில் உறுப்பினர்களாக உள்ள அனைத்து தயாரிப்பாளர்களுக்கும் தலா ரூ.10 ஆயிரம் அன்பளிப்பு வழங்கப்படும் என்று அறிவித்துள்ளார்.

 

இந்த அன்பளிப்பை பெற விரும்பும் தயாரிப்பாளர்கள் தங்களது விண்ணப்பங்களை சங்கத்தில் நேரிலோ அல்லது மின்னஞ்சல் மூலமாகவோ அனுப்பி வைக்கும்படி தயாரிப்பாளர் சங்கம் கேட்டுக் கொண்டுள்ளது.