Jan 23, 2018 05:17 AM

பிரபல பாப் இசை பாடகர் சிலோன் மனோகர் மரணம்!

பிரபல பாப் இசை பாடகர் சிலோன் மனோகர் மரணம்!

இலங்கையின் பிரபல தமிழ் பாப் இசை பாடகரான சிலோன் மனோகர் என்ற ஏ.இ.மனோகரன் நேற்று (ஜனவரி 22) சென்னையில் உயிரிழந்தார். அவருக்கு வயது 73.

 

பல மொழிப் பாடல்கள் பாடுவதில் திறமை வாய்ந்த ஏ.இ.மனோகரன், இலங்கையில் புகழ் பெற்ற தமிழ் பாப் இசை பாடகராக வலம் வந்ததோடு, சில தமிழ்ப் படங்களிலும் நடித்திருக்கிறார். இவருக்கு இலங்கையில் மட்டும் இன்றி தமிழகத்தில் ஏராளமான ரசிகர்கள் உள்ளனர். தமிழ் மட்டும் இன்றி இந்தி திரைப்படங்களிலும் நடித்துள்ள மனோகர் தமிழ் டிவி தொடர்களிலும் நடித்துள்ளார்.

 

இவர் பாடிய “சுராங்கனி...சுராங்கனி...சுராங்கனிடா மாலுகெனாவா...” என்ற பைலா பாடல் இலங்கை மற்றும் இந்திய ரசிகர்கள் மத்தியில் பேதாரவைப் பெற்றது என்பது குறிப்பிடத்தக்கது.