Aug 08, 2018 04:11 AM

கருணாநிதி உடலுக்கு நடிகர் ரஜினிகாந்த் குடும்பத்தோடு அஞ்சலி

கருணாநிதி உடலுக்கு நடிகர் ரஜினிகாந்த் குடும்பத்தோடு அஞ்சலி

மருத்துவமனையில் சிகிச்சை பெற்று வந்த திமுக தலைவர் மு.கருணாநிதி, நேற்று மாலை சிகிச்சை பலன் இன்றி உயிரிழந்தார். அவரது மறைவுக்கு பிரதமர், ஜனாதிபதி, முதல்வர்கள் உள்ளிட்ட பலர் இரங்கல் தெரிவித்து வருகிறார்கள்.

 

கருணாநிதியின் உடல் ராஜாஜி அரங்கில் வைக்கப்பட்டுள்ளது. இங்கு ஏராளமான அரசியல் தலைவர்கள், சினிமா பிரமுகர்கள் மற்றும் பொது மக்கள் என்று ஏராளமானோர் அஞ்சலி செலுத்தி வருகிறார்கள்.

 

இந்நிலையில், ராஜாஜி அரங்கத்தில் வைக்கப்பட்டிருந்த கருணாநிதி உடலுக்கு நடிகர் ரஜினிகாந்த் தனது குடும்பத்துடன் நேரில் சென்று அஞ்சலி செலுத்தினார். அவருடன் லதா ரஜினிகாந்த், அவரது மகள் ஐஸ்வர்யா, மருமகன் தனுஷ் ஆகியோரும் கருணாநிதி உடலுக்கு அஞ்சலி செலுத்தினர்.