தமிழ் சினிமாவின் லேடி சூப்பர் ஸ்டார் என்று அழைக்கப்படும் நயந்தாரா, சுமார் அரை டஜன் ஹீரோயினுக்கு முக்கியத்துவம் உள்ள படங்களில் நடித்து வருவதோடு, அஜித், கமல், சிரஞ்சீவி போன்ற முன்னணி ஹீரோக்களின் படங்களிலும் நடித்து வருகிறார்.

அதே சமயம், கிராமத்து பெண், கல்லூரி மாணவி, குடும்ப பெண், சிபிஐ அதிகாரி, ஐஏஎஸ் அதிகாரி என அனைத்துவிதமான கதாபாத்திரங்களிலும் நடித்திருக்கும் நயந்தாரா, தற்போது ஒரு படத்தில் பேய்கள் பற்றி ஆராய்ச்சி செய்யும் ‘கோஸ்ட் இன்வெஸ்டிகேட்டர்’ என்ற வேடத்தில் நடித்து வருகிறாராம்.

லட்சுமி, மா போன்ற குறும்படங்களை இயக்கிய சர்ஜுன் இயக்கும் படத்தில் தான் நயந்தாரா, இந்த வித்தியாசமான வேடத்தில் நடிக்கிறாராம். விரைவில் படப்பிடிப்பு தொடங்க இருக்கும் இப்படத்திற்காக சென்னையில் பிரம்மாண்டமான பேய் பங்களா ஒன்று உருவாக்கப்பட்டு வருகிறது.