தெலுங்கு மற்றும் தமிழ் சினிமாவின் முன்னணி ஹீரோயினாக வலம் வரும் நயந்தாராவை தமிழ் ரசிகர்கள் லேடி சூப்பர் ஸ்டார் என்று அழைக்கின்றனர். தொடர்ந்து ஹீரோயினுக்கு முக்கியத்துவம் உள்ள படங்களில் நடித்து வெற்றிக் கொடுக்கும் நயந்தாரா, முன்னணி ஹீரோக்களின் படங்களிலும் நடித்து வருகிறார்.

இந்த நிலையில், ஏ.ஆர்.ரஹ்மானுடன் நயந்தாரா கைகோர்த்துள்ளார். ஆம், இந்திய ஹாக்கி அணியை ஊக்குவிப்பதற்காக ‘ஜெய்ஹிந்த் இந்தியா’ என்ற தலைப்பில் ஆல்பம் பாடல் ஒன்று உருவாக்கப்பட்டுள்ளது. ஏ.ஆர்.ரஹ்மான் இசையமைத்து இயக்கியிருக்கும் இந்த வீடியோ பாடலில் ஷாருக்கான், நயந்தாரா, ஏ.ஆர்.ரஹ்மான ஆகியோர் நடனம் ஆடியுள்ளனர். 

குல்சர் பாடல் எழுத, ரவிவர்மன் ஒளிப்பதிவு செய்துள்ள இந்த புரோமோ விடீயோவை ஏ.ஆர்.ரஹ்மான், தனது யூடியூப் பக்கத்தில் வெளியிட்டுள்ளார். தற்போது இது வைரலாக பரவி வருகிறது.