தொடர்ந்து வெற்றிப் படங்களை கொடுத்து வந்த விஜய் ஆண்டனி, ‘அண்ணாதுரை’ படத்தில் மிகப்பெரிய அடி வாங்கியவர், அதை கிருத்திகா உதயநிதி இயக்கத்தில் உருவாகி வரும் ‘காளி’ ஈடுகட்டி வரும் என்ற நம்பிக்கையில் இருக்கிறார். கடந்த சில நாட்களுக்கு முன்பு இப்படத்தின் படப்பிடிப்பு முடிந்துள்ளது.

இதில், விஜய் ஆண்டனிக்கு ஜோடியாக அஞ்சலி நடித்திருக்கிறார். மற்றும் சுனைனா, ஷில்பா மஞ்சுநாத், அம்ரிதா உள்ளிட்ட பலர் நடித்துள்ளார்கள். விஜய் ஆண்டனி தயாரித்துள்ள இப்படத்தின் பின்னணி வேலைகள் தொடங்கியுள்ள நிலையில், அடுத்த படத்தில் விஜய் ஆண்டனி காக்கி சட்டை அணிந்துள்ளார்.

ஆம், விஜய் ஆண்டனி போலீஸ் வேடத்தில் நடிக்கிறார். ‘திமிரு புடிச்சவன்’ என்று தலைப்பு வைக்கப்பட்டுள்ள இப்படத்தின் பஸ்ட் லுக் போஸ்டர் இன்று வெளியிடப்பட்டுள்ளது.

கணேஷா இயக்க உள்ள இப்படத்தை விஜய் ஆண்டனியின் விஜய் ஆண்டனி பிலிம் கார்ப்பரேஷன் நிறுவனம் சார்பில் பாத்திமா விஜய் ஆண்டனி தயாரிக்கிறார். இப்படத்தின் படப்பிடிப்பு வரும் பிப்ரவரி 7 ஆம் தேதி முதல் தொடங்குகிறது.