Dec 04, 2018 04:55 PM

விமல் வாழ்வில் நடந்த அதிசயம்! - பரபரப்பில் கோலிவுட்

விமல் வாழ்வில் நடந்த அதிசயம்! - பரபரப்பில் கோலிவுட்

‘களவாணி’ மூலம் தமிழ் சினிமாவில் ஹீரோவாக அறிமுகமான விலம் பல வெற்றிப் படங்களையும், சில தோல்விப் படங்களையும் கொடுத்திருந்தாலும், அவரது சினிமா வாழ்வில் நடந்திராத அதிசயம் ஒன்று தற்போது நடந்திருக்கிறது.

 

அதாவது, விமல் ஹீரோவாக, ஆஷ்னா சாவேரி ஹீரோயினாக நடித்திருக்கும் ‘இவனுக்கு எங்கேயோ மச்சம் இருக்கு’ படம் 500 திரையரங்கங்களில் வெளியாகிறது. இது தான் விமலின் வாழ்வில் நடந்திரதாத ஒன்று. இதுவரை விமல் நடித்த எந்த ஒரு படம் இத்தனை திரையரங்குகளில் வெளியானதில்லை என்பது குறிப்பிடத்தக்கது.

 

அதுமட்டும் அல்ல, கேரளாவில் மிகப்பெரிய நடிகர்களின் படங்கள் கூட 100 திரையரங்குகளில் தான் வெளியாகும். ஆனால், இந்த படம் கேரளாவில் மட்டும் 100 க்கும் மேற்பட்ட திரையரங்கங்களில் வெளியாகிறது. 

 

திரையரங்க உரிமையாளர்கள் இப்படத்திற்கு கொடுக்கும் வரவேற்பை பற்றி தான் தற்போது ஒட்டு மொத்த கோலிவுட்டே பரபரப்பாக பேசி வருவதோடு, விமல் வாழ்வில் இது அதிசயம், என்றும் கூறுகின்றனர்.

 

இப்படி மிகப்பெரிய எதிர்ப்பார்ப்பை ஏற்படுத்தியிருக்கும் இப்படம், வரும் டிசம்பர் 7 ஆம் தேதி உலகம் முழுவதும் வெளியாகிறது.

 

நடிகை சர்மிளா மாண்ட்ரே தயாரிக்க, ஏ.ஆர்.முகேஷ் இயக்கியிருக்கும் இப்படத்தில் நடிகை பூர்ணா போலீஸ் அதிகாரியாக  நடித்திருப்பதோடு, கவர்ச்சி நடிகை சன்னி லியோனியின் தங்கை மியா ராய் லியோனியும் கவர்ச்சியின் எல்லையை தாண்டி நடித்திருக்கிறாராம்.