சோனி மராத்தி மற்றும் சோலி லிவ் இணைந்து வழக்கும் ’கோன் ஹோனார் குரோர்பதி’ (kon honar Crorepati) நிகழ்ச்சியின் தொகுப்பாளராக பிரபல பாலிவுட் நடிகை மாதுரி தீக்ஷித் இணையவுள்ளார். மராத்தி தொலைக்காட்சியின் புகழ்பெற்ற அறிவுசார்ந்த வினாடி வினா நிகழ்ச்சிகளில் ஒன்றான ‘Kon Honar Crorepati’ நிகழ்ச்சிக்கு இது ஒரு புதிய சகாப்தத்தின் தொடக்கமாக அமைந்து இருக்கிறது.
இந்த புதிய மாற்றம் ‘Aata Khel Badalnar’ என்ற பிரச்சாரத்தின் மூலம் அறிவிக்கப்பட்டுள்ளது. மாதுரி தீக்ஷித் தொகுப்பாளராக, ’கோன் ஹோனார் குரோர்பதி’ அறிவின் மூலம் கனவுகளை நினைவாக்கும் ஒரு பயணமாக அமையவுள்ளது. அசாதாரணமான மனிதர்களின் கதைகள் முக்கியத்துவம் பெறும் இந்த நிகழ்ச்சியில், ஒவ்வொரு கேள்வியும் ஒருவரின் வாழ்க்கையை மாற்றும் சக்தி கொண்டதாக இந்த நிகழ்ச்சியாக உருவாகிறது.
Aata khel badalnar என்பது ஒரு பிரச்சாரம் மட்டுமல்ல; ‘Kon Honar badalnar’ நிகழ்ச்சிக்கான ஒரு புதிய மற்றும் துணிச்சலான பார்வையை காண்பிக்கிறது. இதன் மூலம் மகாராஷ்டிரா முழுவதும் உள்ள பார்வையாளர்களுக்கு ஆழமான அனுபவத்தை இந்த நிகழ்ச்சி வழங்கவுள்ளது.
’கோன் ஹோனார் குரோர்பதி’ நிகழ்ச்சியின் தொகுப்பாளராக தனது புதிய பயணத்தை தொடங்குவது குறித்து மாதுரி தீக்ஷித் கூறுகையில், ”அறிவு மற்றும் விடாமுயற்சியின் சக்தியின் மூலம் மக்களுக்கு வேகம் அளிக்கும் இந்த நிகழ்ச்சியில் ஒரு பகுதியாக இருப்பதில் நான் மிகவும் பெருமைப்படுகிறேன்.
என்னைப் பொறுத்தவரை, ‘கோன் ஹோனார் குரோர்பதி’ என்பது வினாடி வினா நிகழ்ச்சி மட்டும் அல்ல..ஆர்வம், நம்பிக்கை மற்றும் கனவு காணும் துணிச்சலை கொண்டாடும் நிகழ்ச்சி இது… இது உத்வேகம் கொடுக்கும்.
ஒரு பெருமைமிகு மகாராஷ்டிரப் பெண்ணாக, போட்டியாளர்களை சந்தித்து அவர்களின் கதைகளை கேட்டு, அந்த பிரபலமான ஹாட் சீட்டில் அவர்களின் கனவுகள் வெற்றியடையும் தருணங்களை காண ஆவலுடன் இருக்கின்றேன்.” என்றார்.
அறிவு, லட்சியம் மற்றும் வாழ்க்கையை மாற்றக்கூடிய வாய்ப்புகளின் கொண்டாட்டமாக உருவாகும் இந்த ‘Kon Honar Crorepati’ மகாராஷ்டிரா முழுவதும் உள்ள பார்வையாளர்களை பெரிய கனவுகளை காணவும் வலுவான நம்பிக்கையுடன் முன்னேறி செல்லவும் புதிய அத்தியாயத்தை தொடங்கவுள்ளது.