வட இந்தியாவிலும் கொண்டாடப்படும் ‘தங்கலான்’!
Wednesday September-11 2024

இயக்குநர் பா.இரஞ்சித் இயக்கத்தில், விக்ரம் நடிப்பில், ஸ்டுடியோ கிரீன் சார்பில் கே.இ.ஞானவேல் ராஜாவின் பிரமாண்ட தயாரிப்பில் உருவான ‘தங்கலான்’ கடந்த ஆகஸ்ட் 15 ஆம் தேதி தென் இந்தியாவில் வெளியாகி மிகப்பெரிய வரவேற்பை பெற்றது. குறிப்பாக தமிழ்நாடு மட்டும் இன்றி ஆந்திரா மற்றும் தெலுங்கானாவில் மிகப்பெரிய அளவில் படம் கொண்டாடப்பட்டது.

இந்த நிலையில், இந்தி மொழியில் கடந்த செப்டம்பர் 6 ஆம் தேதி வட இந்தியா முழுவதும் வெளியான ‘தங்கலான்’ அங்கும் மிகப்பெரிய வரவேற்பு பெற்று ரசிகர்கள் மற்றும் ஊடகங்களால் கொண்டாடப்பட்டு வருகிறது.

இந்தி மொழியில் வெளியான நாள் முதல் வட இந்திய மாநிலங்களில் ஹவுஸ்புல் காட்சிகளாக ஓடிக்கொண்டிருக்கும் ‘தங்கலான்’ திரைப்படத்தை வட இந்திய ஊடகங்கள் மிகப்பெரிய அளவில் பாராட்டியிருப்பதோடு, இயக்குநர் பா.இரஞ்சித்தின் மேக்கிங், நடிகர் விக்ரம், நடிகை பார்வதி மற்றும் சக நடிகர்களின் நடிப்பு மற்றும் ஜீ.வி.பிரகாஷ் குமார் இசை என அனைத்தையும் பாராட்டியுள்ளன.