இயக்குநரும் நடிகருமான ராதாகிருஷ்ணன் பார்த்திபனிடம் உதவி இயக்குநராக பணியாற்றிய வெங்கட் ஜனா எழுதி இயக்கியிருக்கும் படம் ’இறுதி முயற்சி’. வரம் சினிமாஸ் நிறுவனம் தயாரிக்கும் இப்படத்தில் ரஞ்சித், மெகாலி மீனாட்சி, விட்டல் ராவ் உள்ளிட்டோர் முக்கிய வேடங்களில் நடித்திருக்கிறார்கள்.
சாதாரண பெட்டி கடை வைத்திருப்பவர் முதல் பல கோடிகளில் வணிகம் செய்யும் பெரும் தொழில் அதிபர்களும் சந்திக்கும் ஒரு பிரச்சினையை நெஞ்சத்தை பதை பதைக்க வைக்கும் வகையில் சஸ்பென்ஸ் த்ரில்லர் ஜானரில் திரைக்கதை அமைத்து அனைத்து தரப்பு மக்களும் குடும்பத்தினருடன் ரசித்து பார்க்கும் விதமாகவும் மக்களுக்கு விழிப்புணர்வு ஏற்படுத்தும் விதமாகவும் உருவாகியுள்ள இப்படத்தின் டீசரை இயக்குநரும் நடிகருகான கே.பாக்யராஜ் வெளியிட்டு படக்குழுவினரை பாராட்டியுள்ளார்.
வெளியான சில மணி நேரங்களில் மக்களிடம் மிகப்பெரிய வரவேற்பை பெற்றுள்ள ‘இறுதி முயற்சி’ டீசர் சமூக வலைதளங்கள் மற்றும் இணையதளங்களில் வைரலாகி வருகிறது.
சூர்யா கார்த்திக் ஒளிப்பதிவு செய்திருக்கும் இப்படத்திற்கு சுனில் லாசர் இசையமைத்துள்ளார். வடிவேல் விமல் ராஜ் படத்தொகுப்பு செய்ய, பாபு எம்.பிரபாகர் கலை இயக்குநராக பணியாற்றியுள்ளார். மஷீக் ரஹ்மான் பாடல்கள் எழுத, அரவிந்த் கார்னீஸ் பாடல்களை பாடியுள்ளார்.
இறுதி முயற்சி திரைப்படத்தின் படப்பிடிப்பு நிறைவு பெற்ற நிலையில், இறுதி கட்ட பணிகள் தொடர்ந்து நடைபெற்று வருகிறது , விரைவில் படத்தின் இசை மற்றும் திரையரங்கு வெளியீடு பற்றிய அறிவிப்பு அதிகார பூர்வவமாக வெளியாகும்.
நடிகர் மற்றும் தயாரிப்பாளராக திரைத்துறையில் மிகப்பெரிய தாக்கத்தை ஏற்படுத்திய உதயநிதி ஸ்டாலின், அரசியல் உலகிலும் இளம் வயதில் தனக்கென்று தனி இடத்தை பிடித்திருக்கிறார்...
சென்னையில் நடைபெற்ற 'பாரத் யாத்ரா' பிரச்சார நிகழ்வின் தொடக்க விழாவிற்கு சிறப்பு விருந்தினராக நடிகர் ஜெயராம் கலந்து கொண்டு தலைமை தாங்கினார்...
இயக்குநர் ராஜேஷ்.எம் உதவியாளர் துரை கே...