சர்ச்சையில் சிக்கியுள்ள ‘மெர்சல்’ படத்திற்கு ஆதரவாக குரல் கொடுத்துள்ள நடிகர் கமல்ஹாசன், இன்று நடிகர் விஜயுடன் சேர்ந்து ‘மெர்சல்’ திரைப்படத்தை பார்த்து மகிழ்ந்தார்.
அட்லி இயக்கத்தில் விஜய் நடித்துள்ள ‘மெர்சல்’ தீபாவளியன்று வெளியாகி வெற்றிகரமாக ஓடிக்கொண்டிருக்கும் நிலையில், படத்தில் இடம்பெற்றுள்ள ஜிஎஸ்டி மற்றும் டிஜிட்டல் மணி குறித்த வசனங்களுக்கு தமிழக பா.ஜ.க தலைவர்கள் கண்டனம் தெரிவித்ததோடு, சம்மந்தப்பட்ட காட்சிகளை நீக்க வேண்டும், என்றும் கூறினார்கள்.
இதையடுத்து, காட்சிகளை நீக்க தயாரிப்பு தரப்பு தயாராக இருப்பதாக அறிவித்த நிலையில் நடிகர் கமல்ஹாசன், காட்சிகளை நீக்க வேண்டியதில்லை என்று கூறியதோடு, விஜய்க்கும் மெர்சல் படக்குழுவினருக்கும் தனது ஆதரவை தெரிவித்தார். அதேபோல் இயக்குநர்கள் பா.ரஞ்சித், கரு.பழனியப்பன் உள்ளிட்ட பலர் மெர்சல் படத்திற்கு ஆதரவாக குரல் கொடுத்தனர்.
இந்த நிலையில், நடிகர் கமல்ஹாசன், இன்று மெர்சல் திரைப்படத்தை பார்த்து மகிழ்ந்தார். அவருடன் நடிகர் விஜய், இயக்குநர் அட்லி, தயாரிப்பாளர்கள் முரளி மற்றும் ஹேமா ருக்மணி ஆகியோர் உடன் இருந்தார்கள்.
நடிகரும் இயக்குநருமான போஸ் வெங்கட் இயக்கத்தில், விமல் நடிப்பில் உருவாகியிருக்கும் படம் ‘சார்’...
அப்பா மீடியா சார்பில் அனிஷா சதீஷ் தயாரிப்பில் உருவாகியிருக்கும் வீடியோ தனியிசை பாடல் ‘எங்க அப்பா’...
நவ்வி ஸ்டுடியோஸ் (Navvi Studios) நிறுவனத்தின் சார்பில் திவ்யா மாரி செல்வராஜ், மாரி செல்வராஜ் தயாரிக்க, டிஸ்னி பிளஸ் ஹாட்ஸ்டார், ஃபார்மர்ஸ் மாஸ்டர் பிளான் புரொடக்ஷன்ஸ் வழங்க, ரெட் ஜெயன்ட் மூவிஸ் நிறுவனம் வெளியிட்ட, ’வாழை’ திரைப்படம் திரையரங்குகளில் வெளியாகி மிகப்பெரும் வரவேற்பைப் பெற்று, 25 நாளைக் கடந்திருக்கிறது...