‘மன்னர் வகையறா’ வெற்றியை தொடர்ந்து விமலுக்கு பல பட வாய்ப்புகள் வந்திருக் கொண்டிருக்க, அவரது நடிப்பில் உருவாகும் ‘கன்னி ராசி’ படம் விறுவிறுப்பான படப்பிடிப்பில் இருக்கிறது. இதில் விமலுக்கு ஜோடியாக வரலட்சுமி நடிக்க, இவர்களுடன் பாண்டியராஜன், ரோபோ சங்கர், யோகி பாபு மற்றும் பலர் நடிக்கிறார்கள்.
கிங் மூவி மேக்கர்ஸ் சார்பில் பி.ஷமீம் இப்ராகிம் தயாரிக்கும் இப்படத்தை எஸ்.முத்துக்குமரன் இயக்குகிறார். எஸ்.செல்வகுமார் ஒளிப்பதிவு செய்யும் இப்படத்திற்கு விஷால் சந்திரசேகர் இசையமைக்கிறார். ராஜா முகமது எடிட்டிங் செய்கிறார். யுகபாரதி பாடல்கள் எழுத, கலா மற்றும் விஜி நடனம் அமைக்கின்றனர்.
காதல் கதையாக இருந்தாலும், காமெடிக்கு முக்கியத்துவம் கொடுத்து கதைக்களத்தை அமைத்திருக்கும் இயக்குநர் எஸ்.முத்துக்குமரன், படம் குறித்து கூறுகையில், “படத்தில் கதாநாயகன் விமல் குடும்பத்தினர் அனைவருக்கும் கன்னிராசி. எல்லோரும் காதல் திருமணம் செய்து கொண்டவர்கள். ஆனால், விமல் மட்டும் பெற்றோர்கள் நிச்சயிக்கும் பெண்ணைத் தான் திருமணம் செய்து கொள்வது என்ற லட்சியத்துடன் இருக்கிறார். இந்த நிலையில், விமல் வீட்டின் எதிர் வீட்டிற்கு வரலட்சுமி குடும்பத்தினர் குடி வருகிறார்கள். இரண்டு குடும்பத்தினரும் சந்தித்துக் கொள்ள, அதன் பிறகு நடப்பதை நகைச்சுவையுடன் சொல்லியிருக்கிறேன். படம் முழுவதுமே விமலும், வரலட்சுமியும் செய்கின்ற காதல் காட்சிகளும், காமெடி காட்சிகளும் மக்களிடம் வரவேற்பு பெறுவது நிச்சயம்.” என்றார்.
இப்படத்தை தயாரித்து வரும் கிங் மூவி மேக்கர்ஸ் ஷமீம் இப்ராகிம், பெரிய நட்சத்திர பட்டாளம் நடிக்கும் மற்றொரு படத்தையும் தயாரித்து வருகிறார் என்பது குறிப்பிடத்தக்கது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...