விஷால் நடிப்பில் கடந்த வாரம் வெளியான ‘இரும்புத்திரை’ படம் பெரும் வரவேற்பு பெற்று வெற்றிகரமாக ஓடிக்கொண்டிருக்கிறது. இதையடுத்து தனது அடுத்தப்படமான ‘சண்டக்கோழி 2’ படத்தின் ரிலீஸ் தேதியை விஷால் அறிவித்துள்ளார்.
விஷால் பிலிம் பேக்டரி சார்பில் விஷால் தயாரிக்கும் இப்படத்தை லிங்குசாமி இயக்குகிறார். கீர்த்தி சுரேஷ் ஹீரோயினாக நடிக்கும் இப்படத்தில் வரலட்சுமி சரத்குமார் வில்லியாக நடிப்பதாக கூறப்படுகிறது. இவர்களுடன் சூரி, சதீஷ், ஹரீஷ் பேரடி, அப்பானி சரத், ஹரீஷ் சிவா உள்ளிட்ட பலர் நடித்து வருகின்றனர்.
விஷாலின் 25 வது படமாக உருவாகும் ‘சண்டக்கோழி 2’ படத்தின் முதல் கட்டப்படப்பிடிப்பு முடிவடைந்துள்ள நிலையில், இரண்டாம் கட்டப்படப்பிடிப்பு விரைவில் தொடங்க உள்ளது.
இந்த நிலையில், சமீபத்தில் செய்தியாளர்களை சந்தித்த விஷால், “சண்டக்கோழி 2’ முந்தைய படத்தை விட பல மடங்கு நன்றாக வந்திருக்கிறது. இன்னும் 40 நாட்கள் படப்பிடிப்பு இருக்கிறது. செப்டம்பர் 18 ஆம் தேதி, விநாயகர் சதுர்த்தியன்று படத்தை ரிலீஸ் செய்ய திட்டமிட்டு உள்ளோம். சங்கத்திலும் அதற்கான அனுமதி கேட்க இருக்கிறோம்.” என்றார்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...