மலையாள சினிமாவில் முன்னணி நடிகைகளில் ஒருவரான ஸ்வேதா மேனன், தமிழில் ‘நான் அவன் இல்லை 2’, ‘அரவாண்’, ‘துணை முதல்வர்’ உள்ளிட்ட பல படங்களில் நடித்திருக்கிறார்.
தமிழ் மற்றும் மலையாளம் மட்டும் இன்றி சில இந்திப் படங்களிலும் நடித்து வரும் ஸ்வேதா மேனன், தற்போது படப்பிடிப்பு ஒன்றுக்காக மும்பையில் முகாமிட்டுள்ள நிலையில், மர்ம நபர்கள் சிலர் அவருக்கு கொலை மிரட்டல் விடுத்துள்ளனர்.
மலையாள திரையுலக நடிகர்கள் சங்கத்தின் (அம்மா) தேர்தல் விரைவில் வர உள்ளது. இதில் செயற்குழு உறுப்பினர் பதவிக்கு நடிகை ஸ்வேதா மேனன் போட்டியிடுகிறார். இந்த நேரத்தில் அவருக்கு தொலைபேசி மூலம் கொலை மிரட்டல் விடுக்கப்பட்டுள்ளதால் பெரும் பரபரப்பு ஏற்பட்டுள்ளது.
இது குறித்து காவல் துறையில் புகார் அளித்த ஸ்வேதா மேனன், “நடிகர் சங்கத்தில் நான் உறுப்பினராக இருக்கிறேன். தற்போது செயற்குழு பதவிக்கு போட்டியிடுகிறேன். இதற்கு முன்பாக பல நடிகைகள் சங்கத்தில் பொறுப்பில் இருந்துள்ளார்கள். இந்த மிரட்டலுக்கு நான் அஞ்சப்போவதில்லை.’ என்று தெரிவித்துள்ளார்.
இயக்குநர் ஷங்கர் இயக்கத்தில், கமல்ஹாசன் நடிப்பில் உருவாகியுள்ள ‘இந்தியன் 2’ படம் இந்தியா முழுவதும் பெரும் எதிர்பார்ப்பை ஏற்படுத்தியுள்ளது...
அஜித் குமார் உள்ளிட்ட முன்னணி நடிகர்களை வைத்து வெற்றி படங்களை இயக்கிய இயக்குநர் விஷ்ணு வர்தன், பாலிவுட் பக்கம் போனதால் தமிழில் படம் இயக்காமல் இருந்தார்...
எஸ்.ஜே.சினு இயக்கத்தில், பிரபு தேவா நடிப்பில் உருவாகியுள்ள படம் ‘பேட்ட ராப்’...