ஓரின சேர்க்கை தீர்ப்பு! - ”ஜெய்ஹோ..” கூறி கொண்டாடிய பிரபல தமிழ் நடிகை
Friday September-07 2018

ஓரின சேர்க்கை சட்ட விரோதமானது அல்ல, என்று உயர் நீதிமன்றம் தீர்ப்பு வழங்கியுள்ளது. சரித்திர முக்கியத்துவம் வாய்ந்த இந்த தீர்ப்புக்கு தமிழ் திரையுலகை சேர்ந்த பல நடிகைகளும், நடிகர்களும் வரவேற்பு தெரிவித்துள்ளனர்.

தமிழ் சினிமாவில் கடந்த 15 ஆண்டுகளாக முன்னணி ஹீரோயினாக உள்ள திரிஷா, இது குறித்து கருத்து தெரிவிக்கையில், “ஓரின சேர்க்கை சம்பந்தமனா 377 சட்ட பிரிவு ரத்து செய்யப்பட்டு உள்ளது. இதன் மூலம் சம உரிமைக்கு செல்வதற்கான வழி கிடைத்துள்ளது. ஜெய்ஹோ..” என்று கூறியிருக்கிறார்.

நடிகை கஸ்தூரி கூறுகையில், “ஓரின சேர்க்கை குற்றம் என்ற சட்டத்தை நீக்க தொடர்ந்து நடந்த போராட்டங்களுக்கு வெற்றி கிடைத்து இருக்கிறது. காதலுக்கு கண்ணும் வயதும் சாதியும் இல்லை என்பதுபோல் பாலினம் இல்லை என்பது எனது கருத்து. மேலை நாடுகளில் இது வினோதமானது இல்லை. அன்போடு நெருங்கிய இருவரை ஒரே பாலினத்தை சேர்ந்தவராக இருந்தாலும் ஏன் பிரிக்க வேண்டும். 

இருவர் விரும்பி செய்தால் அது குற்றம் இல்லை. விரும்பாமல் நடக்கும் கற்பழிப்பு, பாலியல் வன்முறைகள்தான் குற்றம். ஓரின சேர்க்கையாளர்களால் சமூகத்துக்கு எந்த பிரச்சினையும் இல்லை. வன்முறையோ சீர்கேடுகளோ வரப்போவதும் இல்லை. ஓரின சேர்க்கைக்கு எதிரான விக்டோரியா மகாராணி காலத்து பழமையான சட்டத்தை ரத்து செய்து பரந்த மனப்பான்மையை புகுத்தி உள்ள இந்த தீர்ப்பு வரவேற்கத்தக்கது. 

ஓரின சேர்க்கை பாவமோ, குற்றமோ இல்லை. அன்பு இயற்கைக்கு முரணானது இல்லை. கள்ளக்காதலுக்காக 2 குழந்தைகளை கொல்வதுதான் இயற்கைக்கு முரணானது.” என்று தெரிவித்திருக்கிறார்.

அதேபோல், நடிகர்கள் சித்தார்த், ஆர்யா ஆகியோரும் ஓரின சேர்க்கைக்கு ஆதரவான தீர்ப்பை வரவேற்று கருத்து தெரிவித்துள்ளனர்.