கன்னட சினிமாவை ஒட்டு மொத்த இந்திய சினிமாவும் திரும்பி பார்க்க வைத்தப் படம் ’லூசியா’. கடந்த 2013 ஆம் ஆண்டு வெளியான இப்படத்தை இயக்கிய பவன்குமார் இயக்கத்தில் வெளியான கன்னடப் படமான ‘யுடர்ன்’ லூசியாவை போல மிகப்பெரிய வெற்றி பெற்றதோடு, மீண்டும் இந்திய சினிமாவின் பார்வையை கன்னட சினிமா பக்கம் திருப்பியுள்ளது.
தற்போது தமிழில் ‘யுடர்ன்’ என்ற தலைப்பிலேயே ரீமேக் ஆகியிருக்கும் இந்த படத்தை ஒரிஜினல் ‘யுடர்ன்’ படத்தை இயக்கிய பவன்குமார் இயக்கியிருக்கிறார். சமந்தா முன்னணி கதாபாத்திரத்தில் நடித்திருக்கும் இப்படத்தில் ஆதி, பூமிகா உள்ளிட்ட பலர் முக்கிய கதாபாத்திரங்களில் நடித்திருக்கிறார்கள்.
வரும் செப்டம்பர் 13 ஆம் தேதி வெளியாக உள்ள ‘யுடர்ன்’ படம் விறுவிறுப்புக்கு பஞ்சமில்லாமல் உருவாகியிருப்பதாக கோடம்பாக்கத்தில் பேசப்பட்டு வந்த நிலையில், 128 நிமிடங்கள் ஓடும் இப்படம் முழுவதும் ரசிகர்களை சீட் நுணியில் உட்கார வைக்கும்படி உள்ளதாக தகவல் வெளியாகியுள்ளது.
சமீபத்தில் படத்தை பார்த்த சென்சார் குழுவினர் படத்தை வெகுவாக பாராட்டியதோடு யு/ஏ சான்றிதழும் வழங்கியுள்ளார்கள்.
இயக்குநர் ஷங்கர் இயக்கத்தில், கமல்ஹாசன் நடிப்பில் உருவாகியுள்ள ‘இந்தியன் 2’ படம் இந்தியா முழுவதும் பெரும் எதிர்பார்ப்பை ஏற்படுத்தியுள்ளது...
அஜித் குமார் உள்ளிட்ட முன்னணி நடிகர்களை வைத்து வெற்றி படங்களை இயக்கிய இயக்குநர் விஷ்ணு வர்தன், பாலிவுட் பக்கம் போனதால் தமிழில் படம் இயக்காமல் இருந்தார்...
எஸ்.ஜே.சினு இயக்கத்தில், பிரபு தேவா நடிப்பில் உருவாகியுள்ள படம் ‘பேட்ட ராப்’...