’வருத்தப்படதா வாலிபர்கள் சங்கம்’, ‘ரஜினி முருகன்’ என்று தொடர்ந்து இரண்டு வெற்றிப் படங்களை கொடுத்த சிவகார்த்திகேயன் - இயக்குநர் பொன்ராம் கூட்டணியின் மூன்றாவது படம் ‘சீமராஜா’. இவர்களது கூட்டணியின் முந்தைய இரண்டுப் படங்களைக் காட்டில் மிகப்பெரிய பொருட்ச்செலவில், பிரம்மாண்டமான முறையில் இப்படம் உருவாகியுள்ளது.
சமந்தா ஹீரோயின், சிம்ரன், நெப்போலியன், மலையாள நடிகர் லால் என்று பெரிய நட்சத்திரப் பட்டாளம் என்று அனைத்திலும் பிரம்மாண்டத்தை கொண்டிருக்கும் இப்படம், கதைக்களத்திலும் சில வித்தியாசங்களோடு உருவாகியுள்ளது.
சிவகார்த்திகேயன், பொன்ராம் படங்கள் என்றாலே இப்படி தான் இருக்கும், என்ற இமேஜ் உருவாகிவிட கூடாது, என்பதற்காக இப்படத்தின் கதையை சற்று வித்தியாசத்தை கையாண்டிருக்கும் பொன்ராம், படத்தில் சிவகார்த்திகேயனை தமிழ் மன்னனாக நடிக்க வைத்திருக்கிறார். படத்தில் சில நிமிடங்கள் வரும் மன்னர் காலத்து எப்பிசோட்டுக்காக பல கோடிகளை தயாரிப்பு தரப்பு செலவு செய்திருப்பதோடு, சிவகார்த்திகேயனும் தனது உருவத்தை மாற்றி, அந்த கதாபாத்திரத்திற்கு வலு சேர்க்கும் விதத்தில் நடித்திருக்கிறார். சமீபத்தில் வெளியான படத்தின் டிரைலரில் இடம்பெற்ற அந்த ராஜா கெட்டப் பெரும் வரவேற்பு பெற்ற நிலையில், அந்த ராஜாவின் கதாபாத்திர பெயர் தற்போது வெளியாகியுள்ளது.
’கடம்பவேல் ராஜா’ என்ற மன்னராக சிவகார்திகேயன் நடித்திருக்கிறார். அவர் பரம்பரையை சேர்ந்த சீமராஜாவாக மற்றொரு வேடம், என்று சிவகார்த்திகேயன் முதல் முறையாக இரண்டு வேடங்களில் நடித்திருக்கிறார்.
இந்த கடம்பவேல் ராஜா என்ற பெயரை ‘சீமராஜா’ படக்குழு நேற்று இரவு வெளியிட்டது. வெளியான ஒரு நில மணி நேரங்களில் டிவிட்டரில் டிரெண்டாகிய கடம்பவேல் ராஜா, தற்போது சமூக வலைதளங்களில் வைரலாக பரவி வருகிறது.
’சீமராஜா’ வரும் செப்டம்பர் 13 ஆம் தேதி உலகம் மூழுவதும் வெளியாகிறது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...