சசிகுமாரை வைத்து ‘சுந்தரபாண்டியன்’ என்ற மாபெரும் வெற்றிப் படத்தை கொடுத்த இயக்குநர் எஸ்.ஆர்.பிரபாகரன், மீண்டும் சசிகுமாருடன் இணைந்திருக்கிறார். இவர்களது கூட்டணியில் உருவாகும் இரண்டாவது படத்திற்கு ‘கொம்புவச்ச சிங்கம்டா’ என்று தலைப்பு வைக்கப்பட்டுள்ளது.
‘குற்றம் 23’, ’தடம்’ ஆகியப் படங்களை தயாரித்திருக்கும் ரெதான் - தி சினிமா பீப்பள் நிறுவனம் சார்பில் இந்தர்குமார் தயாரிக்கும் இப்படத்தில் ஹீரோயினாக மடோனா செபாஸ்டியன் நடிக்க, கலையரசன், சூரி, யோகிபாபு, இயக்குநர் மகேந்திரன், ஹரீஷ்ஃபெராடி, ‘சுந்தரபாண்டியன்’ துளசி, ஸ்ரீ பிரியங்கா, தீபா ராமனுஜம் மற்றும் தயாரிப்பாளர் இந்தர்குமார் ஆகியோர் முக்கிய கதாபாத்திரங்களில் நடிக்கின்றனர்.
1990-1994 காலகட்டங்களில் தமிழகத்தின் ஒரு சிறு நகரத்தில் நடந்த பரபரப்பான உண்மை சம்பவத்தை அடிப்படையாக கொண்டு இப்படத்தின் கதை உருவாக்கப்பட்டுள்ளது.
நேற்று பூஜையுடன் காரைக்குடியில் தொடங்கிய ‘கொம்புசச்ச சிங்கம்டா’ படப்பிடிப்பை நடிகரும், இயக்குநருமான சமுத்திரக்கனி கிளாப் அடித்து தொடங்கி வைத்தார். இதை தொடர்ந்து ஒரே கட்டமாக இடைவிடாமல் பொள்ளாச்சி, பழனி, தென்காசி, கோவில்பட்டி, விருதுநகர் ஆகிய பகுதிகளில் நடைபெறும் இப்படத்தின் படப்பிடிப்பு குற்றாலத்தில் முடிய உள்ளது.
ஏகாம்பரம் ஒளிப்பதிவு செய்யும் இப்படத்திற்கு திபு நைனன் தாமஸ் இசையமைக்கிறார். டான் பாஸ்கோ படத்தொகுப்பு செய்ய, அன்பறிவ் ஆக்ஷன் காட்சிகளை வடிவமைக்கின்றனர். ராஜு சுந்தரம் நடனம் அமைக்க, மைக்கேல்ராஜ் கலை நிர்மாணிக்க, மோகன்ராஜ் மற்றும் இயக்குநர் விக்னேஷ் சிவன் பாடல்கள் எழுதுகிறார்கள். பி.சந்துரு தயாரிப்பு மேற்பார்வையை கவனிக்க, நிகில் முருகன் மக்கள் தொடர்பு பணியை கவனிக்கிறார்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...