ஜோதிகா நடிப்பில் சமீபத்தில் வெளியாகியுள்ள ‘காற்றின் மொழி’ திரைப்படத்தை தமிழக மக்கள் குடும்பத்தோடு கொண்டாடி வருகிறார்கள். இதற்காக மக்களுக்கு நன்றி தெரிவிக்கும் படக்குழுவினர், அதே சமயம், கஜா புயலால் பாதிக்கப்பட்டிருக்கும் டெல்டா பகுதி மக்களுக்காக வருத்தத்தையும் தெரிவித்துள்ளனர்.
வருத்தம் தெரிவிப்பதோடு நின்றுவிடாமல், தங்களால் முடிந்த நிதி உதவியை டெல்டா பகுதி மக்களுக்கு வழங்க வேண்டும், என்ற முடிவு செய்துள்ள ‘காற்றின் மொழி’ திரைப்பட தயாரிப்பாளர் தனஞ்ஜெயன், தான் உதவி செய்வதோடு, பொதுமக்களும் ‘காற்றின் மொழி’ படத்தை பார்ப்பதன் மூலம், புயலால் பாதிக்கப்பட்ட மக்களுக்கு உதவி செய்யும் வாய்ப்பை ஏற்படுத்திக் கொடுத்திருக்கிறார்.
ஆம், இன்று முதல் தமிழகமெங்கும் விற்பனையாகும் ஒவ்வொரு ‘காற்றின் மொழி’ டிக்கெட் வருமானத்தின் தயாரிப்பாளர் ஷேரிலிருந்து ரூ.2 தமிழக அரசின் கஜா புயல் நிவாரண நிதிக்கு வழங்கப்படும்.
அரசியல் தலைவர்கள், திரைப்பட நடிகர், நடிகைகள், தொழிலதிபர்கள் மற்றும் தொண்டு நிறுவனங்கள் என ஏராளமானோர் புயலால் பாதிக்கப்பட்ட மக்களுக்கு தங்களல முடிந்த நிதியை வழங்கி வர, ‘காற்றின் மொழி’ படக்குழுவினர் இத்தகைய முயற்சியின் மூலம், பாதிக்கப்பட்ட மக்களுக்கு உதவ பொதுமக்களுக்கும் ஒரு வாய்ப்பாக இது அமைந்துள்ளது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...