விஷாலுக்கு மனைவியாக போகிறவர் இவரா? - வைரலாகும் புகைப்படம்
Friday January-11 2019

நடிகர் விஷாலுக்கு விரைவில் திருமணம் நடைபெற உள்ளதாகவும், ஆந்திர மாநிலத்தை சேர்ந்த அனிஷா ரெட்டி என்ற பெண்ணை அவருக்கு பேசி முடித்திருப்பதாகவும், அவரது தந்தை ஜி.கே.ரெட்டி சமீபத்தில் கூறியிருந்தார்.

நடிகை வரலட்சுமியை விஷால் காதலித்து வருவதாக கூறப்பட்டு வந்த நிலையில், அவரது இந்த கல்யாண செய்தி அனைவரையும் ஆச்சர்யப்பட வைத்த நிலையில், வரலட்சுமியும் விஷால் திருமணம் பற்றியும், அவர் யாரை திருமணம் செய்ய இருக்கிறார் என்பதும் எனக்கு ஏற்கனவே தெரியும், என்று கூறி மேலும் அதிர்ச்சியளித்தார். இருப்பினும் விஷால் திருமணம் செய்துகொள்ள இருக்கும் பெண்ணின் புகைப்படம் மட்டும் வெளியாகமல் இருந்தது.

இதற்கிடையே, தன் திருமணம் பற்றி தவறான தகவல்கள் பரப்படுவதாகவும், தானே விரைவில் அறிவிப்பேன் என்றும் விஷால் நேற்று கூறினார்.

இந்நிலையில் விஷால் காதலிக்கும் ஆந்திர பெண் இவர்தான் என கூறி சமூக வலைத்தளங்களில் ஒரு புகைப்படம் தற்போது வைரலாகி வருகிறது. இருப்பினும் அந்த புகைப்படம் வழக்கம் போல வெறும் வதந்தி என்றும் ஒரு தரப்பினர் கூறி வருகின்றனர்.

எது உண்மை என்று விஷால் அதிகாரப்பூர்வமாக அறிவித்தால் தான் தெரிய வரும்.