ரஜினிகாந்தின் இளையமகள் செளந்தர்யா அஸ்வின் என்பவரை காதலித்து திருமணம் செய்துக் கொண்டார். அவர்களுக்கு ஆண் குழந்தை பிறந்த நிலையில், கருத்து வேறுபாடு காரணமாக விவாகரத்து பெற்றனர். இதற்கிடையே, விவாகரத்துக்கு பிறகு தனது குழந்தை தான் உலகம், என்று கூறிய செளந்தர்யா, சினிமாவிலும் தனது கவனத்தை செலுத்தினார். அதன்படி, தனுஷை வைத்து ‘வேலையில்லா பட்டதாரி 2’ படத்தையும் இயக்கினார்.
இதற்கிடையே, விசாகன் என்பவரை காதலித்த செளந்தர்யா அவரை திருமணமும் செய்துக் கொண்டார். செளந்தர்யா - விசாகன் திருமண நிகழ்ச்சிகள் கடந்த நான்கு நாட்களாக நடைபெற்று வந்த நிலையில், இன்று சென்னையில் உள்ள நட்சத்திர ஓட்டலில் அவர்களது திருமணம் நடைபெற்றது. அரசியல் தலைவர்கள், சினிமா பிரபலங்கள் என ஏராளமானவர்கள் இதில் கலந்துக் கொண்டார்கள்.
இந்த நிலையில், செளந்தர்யாவின் திருமண வரவேற்பு மற்றும் திருமணத்தில் அவரது அக்கா கணவரான நடிகர் தனுஷ் பங்கேற்கவில்லை என்ற தகவல் வெளியானது. அதாவது, செளந்தர்யா திருமண வரவேற்பு மற்றும் திருமண புகைப்படங்கள் எதிலுமே தனுஷ் இல்லாததால், இத்தகைய தகவல் வெளியானது.
ஆனால், விசாரித்ததில் தற்போது வெற்றி மாறன் இயக்கத்தில் ‘அசுரன்’ படத்தில் நடித்து வரும் தனுஷ், படப்பிடிப்பு இருந்ததால், திருமண வரவேற்புக்கு காலதாமதமாக வந்தாராம். மேலும், அசுரன் படத்திற்காக தனது கெட்டப்பை மாற்றியிருப்பதால், அந்த கெட்டப் வெளியே தெரியாமல் இருப்பதற்காக போட்டோவில் அவர் நிற்கவில்லையாம்.
செளந்தர்யாவின் திருமண நிகழ்வில் தனுஷ் கலந்துக் கொண்டாலும், தனது கெட்டப்பின் ரகசியம் காக்கவே, போட்டோ மற்றும் வீடியோவை தவிர்த்துவிட்டாராம்.
கெளபாய்ஸ், நாடோடி வீரர்கள், கோஸ்ட்பஸ்டர்ஸ் அல்லது புதையல் வேட்டையாடுபவர்கள் பற்றிய படங்களே பொதுவாக சாகச படங்களாகக் கருதப்படுகின்றன...
மறைந்த நடிகர் முரளியின் இளைய மகனும், அதர்வா முரளியின் சகோதரருமான ஆகாஷ் முரளி கதாநாயகனாக அறிமுகமாகவுள்ள திரைப்படம் ‘நேசிப்பாயா’...
‘டிஎன்ஏ' படம் பற்றிய அதிகாரப்பூர்வ அறிவிப்பு வந்ததில் இருந்தே அதன் மீது ரசிகர்கள் அதிக எதிர்பார்ப்பு வைத்திருக்கின்றனர்...