ஹீரோக்களே பண்ண முடியாத கதையின் நாயகியான நந்திதா ஸ்வேதா!
Wednesday March-06 2019

ஹீரோயினுக்கு முக்கியத்துவம் வாய்ந்த படமாக உருவாகும் ‘ஐபிசி 376’ (IPC 376) படத்தில் நந்திதா ஸ்வேதா ஆக்‌ஷன் அவதாரம் எடுத்திருக்கிறார். போலீஸ் இன்ஸ்பெக்டர் வேடத்தில் அவர் நடிக்கிறார்.

இப்படத்திற்கு சூப்பர் சுப்பராயன் மாஸ்டர் ஆக்‌ஷன் காட்சிகளை வடிவமைப்பதோடு, வித்தியாசமான வேடம் ஒன்றிலும் நடிக்கிறார்.

ஹீரோக்கள் பண்ண வேண்டிய கதை, ஆனா ஹீரோக்கள் பண்ண முடியாத கதை. இப்ப சமூக வலைதளங்கள் தான் பரபரபா இயங்கி கொண்டிருக்கு. டைட்டிலை வலைதளத்தில் தேடும்போதே இது எது சம்மந்தமான கதை என்பதை யூகித்து விடுவார்கள். ஆனால், என்ன கதை என்பதை யூகிக்க முடியாது. பெண்களை இழிவுப்படுத்தி எடுக்கப்படும் படங்களுக்கு மத்தியில், பெண்கள் கொண்டாட வேண்டிய ஒரு படமாகவும் இப்படம் உருவாகிறது.

சஸ்பென்ஸ், த்ரில்லர் என்பதையும் தாண்டி யூகிக்க முடியாத இன்னொரு விஷயமும் இப்படத்தில் ஹைலைட்டாக இருக்குமாம்.

பிரபு சாலமன், பாலசேகரன் போன்ற இயக்குநர்களிடம் பல படங்களில் பல மொழிகளில் இணை இயக்குநராகப் பணிபுரிந்த ராம்குமார் சுப்பராமன் இயக்கும் இப்படத்திற்கு கே.தில்ராஜ் ஒளிப்பதிவு செய்கிறார். கோலமாவு கோகிலா பட எடிட்டர் ஆர்.நிர்மல் படத்தொகுப்பு செய்கிறார்.

96, ஜுங்கா, பென்சில் போன்ற பல வெற்றிப் படங்களை விநியோகம் செய்த எஸ்.பிரபாகர் இப்படத்தை தயாரிக்கிறார். இவர் முன்னணீ டிஸ்ட்ரிபியூட்டராக இருப்பதோடு, பல தியேட்டர்களை நடத்தி வரும் எக்ஸிபிட்டராகவும் இருக்கிறார்.

விநியோகத் துறையில் வெற்றி பெற்ற எஸ்.பிரபாகர், முதல் முறையாக தயாரிக்கும் இப்படத்தை தமிழ் மற்றும் தெலுங்கு என இரு மொழிகளில் தயாரிக்கிறார்.