இயக்குநர் வஸந்தின் ‘சிவரஞ்சனியும் இன்னும் சில பெண்களும்’ திரைப்படம் மும்பை திரைப்பட விழா, 23 வது கேரள சர்வதேச திரைப்பட விழா, பூனே சர்வதேச திரைப்பட விழா, சர்வதேச ஸ்வீடன் நாட்டு திரைப்பட விழா உள்ளிட்ட பல திரைப்பட விழாக்களில் திரையிடப்பட்டதுடன், சர்வதேச பெங்களூர் திரைப்பட விழாவில் பங்கேற்று ஆசியாவின் சிறந்த திரைப்படமாகவும் தேர்வு செய்யப்பட்டு விருது வழங்கப்பட்டது.
இந்த நிலையில், அமெரிக்காவின் கலிபோர்னியா மாகாணத்தில் நடைபெறும் சர்வதேச திபுரான் திரைப்பட விழா மற்று நியூயார்க் சர்வதேச திரைப்பட விழா ஆகியவற்றில் திரையிட ‘சிவரஞ்சனியும் இன்னும் சில பெண்களும்’ தேர்வாகியுள்ளது.
பார்வதி, லட்சுமி ப்ரியா சந்திரமெளலி, காளிஸ்வரி ஸ்ரீனிவாசன், கருணாகரன், ‘மயக்கம் என்ன’ சுந்தர், கார்த்திக் கிருஷ்ணா, மாரிமுத்து மற்றும் மாஸ்டர் ஹமரேஷ், நேத்ரா உள்ளிட்ட பலர் நடித்திருக்கும் இப்படத்திற்கு என்.கே.ஏகாம்பரம் மற்றும் ரவிசங்கரன் ஆகியோர் ஒளிப்பதிவு செய்துள்ளார்கள். ஸ்ரீகர் பிரசாத் படத்தொகுப்பு செய்திருக்கிறார்.
எழுத்தாளர்கள் அசோகமித்ரன், ஆதவன் மற்றும் ஜெயமோகன் ஆகியோரின் சிறுகதைகளை மையமாக வைத்து திரைக்கதை அமைத்து வஸந்த் எஸ்.சாய் இயக்கியிருக்கும் இப்படத்தில் பின்னணி இசை இல்லை என்பது குறிப்பிடத்தக்கது.
இயக்குநர் ஷங்கர் இயக்கத்தில், கமல்ஹாசன் நடிப்பில் உருவாகியுள்ள ‘இந்தியன் 2’ படம் இந்தியா முழுவதும் பெரும் எதிர்பார்ப்பை ஏற்படுத்தியுள்ளது...
அஜித் குமார் உள்ளிட்ட முன்னணி நடிகர்களை வைத்து வெற்றி படங்களை இயக்கிய இயக்குநர் விஷ்ணு வர்தன், பாலிவுட் பக்கம் போனதால் தமிழில் படம் இயக்காமல் இருந்தார்...
எஸ்.ஜே.சினு இயக்கத்தில், பிரபு தேவா நடிப்பில் உருவாகியுள்ள படம் ‘பேட்ட ராப்’...