நான், நேரடியாக சென்று அடித்துவிடுவேன்! - நயன்தாராவுக்காக பொங்கிய சர்ச்சை நடிகை
Tuesday March-26 2019

’கொலையுதிர் காலம்’ டிரைலர் வெளியீட்டு விழாவில் நயன்தாராவை இழிவாக பேசியதற்காக நடிகர் ராதாரவிக்கு பலர் கண்டனம் தெரிவித்து வருகிறார்கள். தொடர்ந்து அவர் நடிகைகளை இழிவாக பேசினால், அவருக்கு நடிக்க தடை விதிக்கப்படும் என்று நடிகர் சங்கம் தெரிவித்திருக்கிறது. அதேபோல், திமுக-வும் அவரை கட்சியில் இருந்து நீக்கிவிட்டது.

நடிகைகள் பலர் ராதாரவியை கலாய்க்கும் விதத்தில் சமூக வலைதளங்களில் பதிவிட்டும் வருகிறார்கள்.

இதற்கிடையே, தனது பேச்சுக்கு விளக்கம் அளித்திருக்கும் ராதாரவி, நயன்தாராவிடம் வருத்தம் தெரிவித்துக் கொள்வதாகவும் தெரிவித்துவிட்டார்.

இந்த நிலையில், சர்ச்சை நடிகையான ஸ்ரீரெட்டி, இது குறித்து கருத்து தெரிவிக்கையில், “ராதாரவி நயன்தாராவை பேசியதை வைத்து இந்த மாதிரியான வார்த்தைகளை நான் ஏற்கமாட்டேன். நேரடியாக சென்று அறைந்துவிடுவேன்.

நயன்தாரா கண்ணியமான பெண், ஆனால் நான் கொடூரமான பெண்.” என்று தெரிவித்திருக்கிறார்.