நடிகை நயன்தாராவின் காதலரான விக்னேஷ் சிவன், லையா புரொடக்ஷன் தயாரிப்பில் ஒரு படத்தை இயக்க உள்ளார். இதில் சிவகார்த்திகேயன் ஹீரோவாக நடிக்கிறார். இப்படத்தின் படப்பிடிப்பு விரைவில் தொடங்க உள்ள நிலையில், தற்போது தர்பார் படத்தில் ரஜினிக்கு ஜோடியாக நடிக்கும் நயன்தாராவுக்கு துணையாக விக்னேஷ் சிவன் மும்பையில் முகாமிட்டுள்ளதாக கூறப்படுகிறது.
’தர்பார்’ படப்பிடிப்பில் இருக்கும் ரஜினிகாந்தை சந்தித்து புகைப்படம் எடுத்துக் கொண்ட விக்னேஷ் சிவன், அதை சமூக வலைதளத்தில் வெளியிட்டார். இதை தொடர்ந்து, ‘தர்பார்’ படத்தில் விக்னேஷ் சிவன் ஒரு பாடல் எழுதுவதாக தகவல் வெளியானது.
இந்த நிலையில், ரஜினியை சந்தித்துவிட்டு, இஸ்லாமிய புனித தலமான அஜ்மீர் தர்காவுக்கு சென்ற விக்னேஷ் சிவன், அங்கு இஸ்லாம் முறைப்படி தலையில் தொப்பி அணிந்து வழிபாடு நடத்தியதோடு, சிறப்பு பிரார்த்தனையும் செய்திருக்கிறார்.
தற்போது, அந்த புகைப்படத்தை தனது சமூக வலைதளப் பக்கத்தில் விக்னேஷ் சிவன் வெளியிட்டதும், அதை பார்த்த ரசிகர்கள், அவர் இஸ்லாம் மதத்திற்கு மாறிவிட்டாரா? என்று கேள்வி எழுப்பி வருகிறார்கள்.
ஏற்கனவே, இசையமைப்பாளர் யுவ சங்கர் ராஜா, சிம்புவின் தம்பி குறளரசன், நடிகை மோனிகா உள்ளிட்ட சில தமிழ் சினிமா பிரபலங்கள் இஸ்லாம் மதத்திற்கு மாறியுள்ளது குறிப்பிடத்தக்கது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...