தமிழ், தெலுங்கு மற்றும் இந்தி திரைப்படங்களில் நடித்து வந்த ஸ்ருதி ஹாசன், லண்டனை சேர்ந்த மைக்கேல் கார்சேல் என்பவரை காதலிக்க தொடங்கியதும் நடிப்பதை குறைத்துக் கொண்டார். மேலும், தனது காதலுக்கு அப்பா கமல்ஹாசன், அம்மா சரிகா ஹாசன் இருவரும் சம்மதம் தெரிவித்ததால், மைக்கேலை திருமணம் செய்துக்கொள்ளவும் இருந்தார்.
இதற்கிடையே, மீண்டும் படங்களில் நடிக்க ஆர்வம் காட்டிய ஸ்ருதி ஹாசன், விஜய் சேதுபதிக்கு ஜோடியாக ‘லாபம்’ படத்தில் ஒப்பந்தமானார். மேலும், சில இயக்குநர்களிடம் கதை கேட்டு வருவதாகவும் கூறப்படுகிறது.
இந்த நிலையில், ஸ்ருதி ஹாசனும், அவரது காதலர் மைக்கேலும் பிரிந்துவிட்ட தகவல் தற்போது வெளியாகியுள்ளது.
காதல் முறிவு குறித்து மைக்கேல் கார்சேல், சமூக வலைதளத்தில் ஸ்ருதி ஹாசனுடன் நெருக்கமாக இருக்கும் புகைப்படத்துடன், பதிவு ஒன்றை வெளியிட்டுள்ளார். அதில், ”உலகத்தின் இரண்டு வெவ்வேறு மூலைகளில் தான் வாழ்க்கை நம்மை வைத்துள்ளது, அதனால் நாம் தனியாக தான் வாழ்க்கை பாதையில் செல்ல வேண்டும் என நினைக்கிறேன். அந்த இளம் பெண் எப்போதும் எனது சிறந்த துணையாக இருப்பார். எப்போதும் நல்ல நண்பராக நான் அவருக்கு இருப்பேன்.” என்று தெரிவித்துள்ளார்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...