பொதுவாக ஒரு படத்துக்கு அந்த படத்தில் இடம்பெற்ற பாடல்களை வெளியிடும் விழா தான் நடத்துவார்கள். ஆனால் துப்பறிவாளன் படத்துக்கு முதன் முறையாக ஆக்ஷன் வெளியீட்டு விழா என்று சண்டைக்காட்சியை திரையிடும் நிகழ்ச்சி நடத்த முதலில் திட்டமிட்டிருந்தார்கள். இப்போதுகூட ரிலீஸுக்கு முன்பே ஒரு நிகழ்ச்சி வைத்து ஆக்ஷன் காட்சியை பத்திரிகையாளர்களுக்கு பிரத்யேகமாக காண்பிக்க ஒரு ஐடியா இருக்கிறது.
விஷால் என்றாலே ஆக்ஷன் ஹீரோ தான், பின்னர் துப்பறிவாளனில் மட்டும் என்ன ஸ்பெஷல்? படக்குழுவிடம் கேட்டோம், “விஷால் இதற்கு முன்னர் பல சண்டைக்காட்சிகளில் நடித்து ஆக்ஷன் ஹீரோவாக பெயர் எடுத்திருந்தாலும் கூட இந்த படத்தின் சண்டைக்காட்சிகளில் செம ஸ்டைலிஷாக இருப்பார். படத்தில் மொத்தம் மூன்று சண்டைக்காட்சிகளும் ஒரு சேஸிங்கும் இருக்கிறது. சண்டைக்காட்சிகளுக்காக மட்டுமே படத்தை ரசிகர்கள் மீண்டும் மீண்டும் பார்ப்பார்கள். ஹாலிவுட் படங்களில் நம்மை பரவசப்படுத்திய ஆக்ஷன் காட்சிகளை நீங்கள் துப்பறிவாளனில் ரசிக்கலாம்.
முதல் ஃபைட்டான மவுத் ஆர்கன் ஃபைட் செட் போட்டு எடுக்கப்பட்டது. விஷால் வாயில் மவுத் ஆர்கன் வைத்து வாசித்துக்கொண்டே போடும் சண்டைக்காட்சி. இரண்டாவது சண்டை வியட்நாம் சண்டைக்கலைஞர்கள் பாய்ந்து பாய்ந்து தாக்க வரும் சைனீஸ் ஹோட்டல் சண்டை. ஸ்டன்ட் கலைஞர்கள் ஏழு பேரோடு ஒரேடியாக அடுத்தடுத்து சண்டை புதுமையாக இருக்கும். க்ளைமாக்ஸில் பிச்சாவரத்தில் ஹீரோவின் கால் கையை கட்டிப்போட்டு ஒரு ஃபைட். மூன்று சண்டைக்காட்சிகளுமே தமிழ் சினிமாவை ஹாலிவுட் தரத்துக்கு எடுத்து செல்லும் சண்டைக்காட்சிகள். அனைத்திலுமே பயன்படுத்தப்பட்டது அனைத்தும் ஒரிஜினல் கத்திகள். அதன் காரணமாகவே நிஜமாகவே காயங்கள் கூட ஏற்பட்டன.
சண்டை காட்சிக்கு கோரியோ தினேஷ் மாஸ்டர், ஆனால் சண்டை காட்சி இப்படி தான் இருக்க வேண்டும் என்று பேப்பரில் வரைந்து அதை வடிவமைத்தவர் இயக்குநர் மிஷ்கின் தான். ”என்று பரவசப்பட்டது துப்பறிவாளன் படக்குழு.
டாக்டர். ஐசரி கே. கணேஷ் அவர்களால் துவங்கப்பட்ட, தென்னிந்தியத் திரையுலகின் முன்னணி திரைப்படத் தயாரிப்பு நிறுவனங்களில் ஒன்றான வேல்ஸ் ஃபிலிம் இன்டர்நேஷனல், அனீஷ் அர்ஜுன் தேவ் அவர்களின் வாமிண்டியா நிறுவனத்துடன் இணைந்து, தயாரிக்கப்பட்ட திரைப்படம் ’அகத்தியா’...
Coke Studio Tamil has wrapped up its remarkable Season 2, leaving a lasting impact by celebrating Tamil music and culture with a stellar lineup of artists...
ஆஷிர்வத் சினிமாஸ் சார்பில், ஆண்டனி பெரும்பாவூர் தயாரிப்பில், மலையாள திரையுலகின் முன்னணி நட்சத்திர நடிகர் மோகன்லால் முதன்முறையாக இயக்கி நடித்திருக்கும், 3டி பிரம்மாண்ட ஃபேண்டஸி திரைப்படமான 'பரோஸ்' திரைப்படம் வரும் டிசம்பர் 25 ஆம் தேதி உலகமெங்கும் வெளியாகிறது...