ஷங்கர் இயக்கத்தில் கமல் நடிக்க இருக்கும் ‘இந்தியன் 2’ படம் பல்வேறு பஞ்சாயத்துக்களுக்கு பிறகு மீண்டும் உயிர் பெற்றுள்ளது. முதலில் இப்படத்தை தயாரிக்க இருந்த லைகா நிறுவனத்திடம் இருந்து விலகி வேறு ஒரு தயாரிப்பு நிறுவனத்திடம் கூட்டணி வைக்க இயக்குநர் ஷங்கர் முயற்சித்தார்.
ஆனால், லைகா நிறுவனம் போட்ட கடிவாளத்தால் ஷங்கரால் வேறு எங்குமே பார்க்க முடியாமல் போனது. இதையடுத்து, லைகா நிறுவனத்தை தவிர வேறு எந்த நிறுவனத்திற்காகவும் ‘இந்தியன் 2’ வை இயக்க முடியாது என்பதை புறிந்துக்கொண்ட ஷங்கர், அவர்களிடம் அடிபணிந்தார்.
இந்த நிலையில், ’இந்தியன் 2’ வில் ஹீரோயினாக நடிக்கும் காஜல் அகர்வால், வட இந்திய ஊடகம் ஒன்றுக்கு அளித்த பேட்டியில், படம் குறித்த ரகசியத்தை உடைத்திருப்பது படக்குழுவினரை அதிர்ச்சியாக்கியுள்ளது.
அதாவது, காஜல் அகர்வாலிடம் ‘இந்தியன் 2’ படக்குழு ஜூன் 1 ஆம் தேதி முதல் கால்ஷீட் வாங்கியுள்ளதாம். தற்போது கமல்ஹாசன் பிக் பாஸ் நிகழ்ச்சியில் பிஸியாக உள்ள நிலையில், ஜூன் 1 ஆம் தேதி காஜல் அகர்வால் இடம்பெறும் காட்சிகளை படமாக்கிய ஆக வேண்டிய கட்டாயத்தில் தயாரிப்பு தரப்பு உள்ளதால், கமலின் தேதிகளின் விபரங்களை கூறும்படி கேட்டுள்ளதாம்.
இதனால், அவசர அவசரமாக பிக் பாஸ் பணிகளை முடித்துக்கொண்டு எப்படியும் ஜூன் 1 ஆம் தேதி கால்ஷீட் கொடுக்க கமல் தயாராகி வருகிறாராம்.
ஏற்கனவே, தேதி குளறுபடியாகும் என்ற பயத்தில் தான் நயன்தாரா, இப்படத்தில் இருந்து விலகிய நிலையில், காஜல் அகர்வால் கொடுத்திருக்கும் தேதிகளை படக்குழுவால் பயன்படுத்த முடியவில்லை என்றால், அதற்கும் ஒரு பஞ்சாயத்து ஏற்பட்டு விடுமோ என்றும் பயப்படுகிறார்களாம்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...