ஒளிப்பதிவாளர் பிரேம்குமார் இயக்கத்தில் விஜய் சேதுபதி, திரிஷா நடிப்பில் கடந்த ஆண்டு வெளியாகி மாபெரும் வெற்றிப் பெற்ற படம் ‘96’. முழுக்க முழுக்க காதல் கதையான இப்படத்தில் கோவிந்த் வசந்தாவின் இசையும் பேசப்பட்டது. படத்தில் கோவிந்த் வசந்தாவின் இசையோடு, இளையராஜாவின் பழைய பாடல்கள் சில பயன்படுத்தப்பட்டிருந்தது.
இது குறித்து சமீபத்திய பேட்டியில் இளையராஜாவிடம் கேட்டதற்கு, “இது தவறான செயல், அப்போதைய காலக்கட்டத்திற்கு ஒரு பாட்டு தேவை என்றால், படத்தின் இசையமைப்பாளர் தான் போட்டிருக்க வேண்டும். அதை விட்டுவிட்டு என் பாடலை போட்டது நியாயம் இல்லை. இது ஆண்மை இல்லாத செயல்” என்று பெரும் கோபத்தோடு பதில் அளித்தார்.
இளையராஜாவின் கோபம் நியாயமானதாக இருந்தாலும், அவரது வார்த்தை தவறாக இருப்பதாக பலர் இளையராஜாவின் பதிலுக்கு எதிர்ப்பு தெரிவித்தாலும், ‘96’ படக்குழு இது குறித்து எதுவும் பேசாமல் இருந்தன.
இந்த நிலையில், ‘96’ பட இசையமைப்பாளர் கோவிந்த் வசந்தா, இது குறித்து முதல் முறையாக பேசியிருக்கிறார். இது குறித்து தனது சமூக வலைதளப் பக்கத்தில் இளையராஜாவின் பாடல் ஒன்றை வயலின் இசைக்கருவி மூலம் வாசிக்கும் வீடியோ ஒன்றை வெளியிட்டு அதனுடன், ”என்னவானாலும் இளையராஜாவின் ரசிகன் தான்” என்றும் பதிவிட்டுள்ளார்.
தன்னை கடுமையான வார்த்தைகளால் விமர்சித்தாலும், கோவிந்த் வசந்தாவின் பெருந்தன்மையான இந்த பதிவுக்கு அவர் ரசிகர்கள் பாராட்டி வருகிறார்கள்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...