பிரபல நடிகையும் இயக்குநருமான விஜய நிர்மலா மரணம்!
Thursday June-27 2019

பிரபல நடிகையும், இயக்குநருமான விஜய நிர்மலா இன்று மரணம் அடைந்தார். அவருக்கு வயது 73.

1950 ஆம் ஆண்டு வெளியான ‘மச்சரேகை’ படத்தில் குழந்தை நட்சத்திரமாக நடித்து சினிமாவில் அறிமுகமான விஜய நிர்மலா, தொடர்ந்து பல படங்களில் குழந்தை நட்சத்திரமாக நடித்ததோடு, 1968 ஆம் ஆண்டு வெளியான ‘சிரித்த முகம்’, ‘பணமா பாசமா’, ‘சோப்பு சீப்பு கண்ணாடி’ உள்ளிட்ட பல படங்களில் நடித்தார். 70 களில் தமிழ் சினிமாவின் முன்னணி குணச்சித்திர நடிகையாக திகழ்ந்த இவர், தெலுங்கு மற்றும் மலையாளப் படங்களிலும் நடித்தார்.

தமிழகத்தில் இவர் பிறந்தாலும், தெலுங்கு சினிமாவில் முன்னணி நடிகையாக உருவெடுத்ததோடு, இயக்குநர் அவதாரமும் எடுத்தார்.

பெண் இயக்குநராக தெலுங்கு திரையுலகை கலக்கியவர், 49 திரைப்படங்களை இயக்கி, அதிகமான திரைப்படங்கள் இயக்கிய பெண் இயக்குநராக கின்னஸ் புத்தகத்திலும் இடம் பிடித்தார்.

வயத் மூப்பு காரணமாக உடல்நலம் பாதிக்கப்பட்டிருந்த விஜய்அ நிர்மலா, மருத்துவமனையில் சிகிச்சைப் பெற்று வந்த நிலையில், இன்று சிகிச்சை பலன் இன்றி உயிரிழந்தார்.