கபடி போட்டியை மையமாக வைத்து சுசீந்திரன் இயக்கத்தில் கடந்த 2009 ஆம் ஆண்டு வெளியான ‘வெண்ணிலா கபடி குழு’ மிகப்பெரிய வெற்றி பெற்றது. தற்போது இப்படத்தின் இரண்டாம் பாகமான ‘வெண்ணிலா கபடி குழு 2’ என்ற தலைப்பில் உருவாகியுள்ளது.
இயக்குநர் சுசீந்திரனின் மூலக்கதையில், செல்வசேகரன் இயக்கத்தில் உருவாகியுள்ள ‘வெண்ணிலா கபடி குழு 2’ படத்தை சாய் அற்புதம் சினிமாஸ் சார்பில் பூங்காவனன், ஆனந்த் ஆகியோர் தயாரித்துள்ளனர்.
விக்ராந்த் ஹீரோவாக நடித்திருக்கும் இப்படத்தில் ஹீரோயினாக அர்த்தனா பினு நடித்திருக்கிறார். இவர்களுடன் பசுபதி, புரோட்டா சூரி, கிஷோர், அப்புகுட்டி, ரவிமரியா உள்ளிட்ட பலர் நடித்துள்ளனர்.
இப்படத்திற்காக நிஜ கபடி வீரர்கள் மற்றும் ஊர் மக்கள் கலந்துக் கொண்ட நிஜ கபடி போட்டியை 8 நாட்கள் தொடர்ந்து நடத்தி படமாக்கியிருக்கிறார்கள்.
வரும் ஜூலை 12 ஆம் தேதி உலகம் முழுவதும் வெளியாக உள்ள ‘வெண்ணிலா கபடி குழு 2’ முதல் பாகத்தை காட்டிலும் அதிகமாக ரசிகர்களை கவரும் என்று படக்குழு நம்பிக்கை தெரிவித்துள்ளனர்.
நடிகர் மற்றும் தயாரிப்பாளராக திரைத்துறையில் மிகப்பெரிய தாக்கத்தை ஏற்படுத்திய உதயநிதி ஸ்டாலின், அரசியல் உலகிலும் இளம் வயதில் தனக்கென்று தனி இடத்தை பிடித்திருக்கிறார்...
சென்னையில் நடைபெற்ற 'பாரத் யாத்ரா' பிரச்சார நிகழ்வின் தொடக்க விழாவிற்கு சிறப்பு விருந்தினராக நடிகர் ஜெயராம் கலந்து கொண்டு தலைமை தாங்கினார்...
இயக்குநர் ராஜேஷ்.எம் உதவியாளர் துரை கே...