வெற்றி மாறன் இயக்கத்தில் ‘அசுரன்’ படத்தில் நடித்து வரும் தனுஷ், அடுத்ததாக துரை செந்தில்குமார் இயக்கத்தில் ‘பட்டாஸ்’ படத்தில் நடிக்கிறார். இப்படத்தின் பஸ்ட் லுக் தனுஷின் பிறந்தநாளான ஜூலை 28 ஆம் தேதி (நேற்று) வெளியிடப்பட்டது.
இதற்கிடையே, நேற்று தனுஷின் பிறந்தநாள் ரசிகர்களால் கொண்டாடப்பட்டது. இதில் இரத்த தானம் முகாமும் நடத்தப்பட்டது.
இந்த நிகழ்வில் சிறப்பு விருந்தினராக கலந்துக் கொண்ட தயாரிப்பாளர் கலைப்புலி எஸ்.தாணு, தனுஷுக்கு ‘இளைய சூப்பர் ஸ்டார்’ என்ற பட்டம் வழங்குவதாக அறிவித்தார்.
அவரை தொடர்ந்து பேசிய தனுஷ், தாணு அளித்த பட்டம் தனக்கு வேண்டாம், என்று நிராகரித்தார்.
தொடர்ந்து நிகழ்ச்சியில் பேசிய தனுஷ், “தாணு என் மீதான அன்பு மிகுதியால் பட்டம் கொடுத்தார். எனக்கு இந்த பட்டம் எல்லாம் வேண்டாம். தனுஷ் என்ற பெயர் மட்டுமே போதும். என் ரசிகர்களுக்கு அன்பான கோரிக்கை. யார் பகை காட்டினாலும் பொறுமையாக செல்லுங்கள். பதிலுக்கு பகையை காட்டாதீர்கள். விரைவில் அனைத்து ரசிகர்களையும் சந்திக்கிறேன்.” என்று தெரிவித்தார்.
நடிகர் ரஜினிகாந்துக்கு சூப்பர் ஸ்டார் பட்டத்தை வழங்கியது தயாரிப்பாளர் தாணு தான் என்பது குறிப்பிடத்தக்கது.
நடிகர் மற்றும் தயாரிப்பாளராக திரைத்துறையில் மிகப்பெரிய தாக்கத்தை ஏற்படுத்திய உதயநிதி ஸ்டாலின், அரசியல் உலகிலும் இளம் வயதில் தனக்கென்று தனி இடத்தை பிடித்திருக்கிறார்...
சென்னையில் நடைபெற்ற 'பாரத் யாத்ரா' பிரச்சார நிகழ்வின் தொடக்க விழாவிற்கு சிறப்பு விருந்தினராக நடிகர் ஜெயராம் கலந்து கொண்டு தலைமை தாங்கினார்...
இயக்குநர் ராஜேஷ்.எம் உதவியாளர் துரை கே...