‘வெண்ணிலா கபடி குழு’ மூலம் காமெடி நடிகராக பிரபலம் அடைந்த அப்புகுட்டி, ‘அழகர் சாமியின் குதிரை’ படத்தில் ஹீரோவாக நடித்தார். அப்படத்திற்கு பிறகு தொடர்ந்து காமெடி வேடங்களில் மட்டும் நடித்து வந்த அப்புகுட்டி, மீண்டும் ஹீரோவாக களம் இறங்குகிறார்.
‘வாழ்க விவசாயி’ என்ற தலைப்பில் விவசாயத்தை மையமாக வைத்து உருவாகும் இப்படத்தில் அப்புகுட்டி தான் கதையின் நாயகி. அவருக்கு ஜோடியாக, அதாவது படத்தின் ஹீரோயின் யார் தெரியுமா?, கிராமத்து கதை என்றாலே இவர், டக்கென்று நினைவுக்கு வரும் வசுந்தரா தான்.
‘தென்மேற்கு பருவக்காற்று’, ‘கண்ணே கலைமானே’ சமீபத்தில் வெளியான ‘பக்ரீத்’ என்று தொடர்ந்து கிராமத்து கதைகளில் நடித்து வரும் வசுந்தராவுக்கு பழக்கப்பட்ட ஒரு வேடம் தான் இந்த ‘வாழ்க விவசாயி’ படத்திலும் கிடைத்திருக்கிறது. அப்புகுட்டிக்கு மனைவியாக, இரண்டு குழந்தைகளுக்கு அம்மாவாக நடித்திருக்கிறாராம்.
அப்புகுட்டிக்கும், வசுந்தராவுக்கும் இப்படம் திருப்புமுனையாக அமையும் விதத்தில் வந்திருப்பதோடு, இப்படத்தின் படப்பிடிப்பில் நடந்த சம்பவம் பற்றிய தகவல் வெளியாக அனைவரையும் பதற வைத்திருக்கிறது.
அதாவது, பரணில் கதாநாயகியும், கதாநாயகனும் அமர்ந்துக் கொண்டு பேசுவது போன்ற காட்சியை படமாக்க வேண்டுமாம். அதற்காக கலை இயக்குநர் பரண் ஒன்றை செட் போட்டிருக்கிறார். முதலில் அப்புகுட்டி அந்த பரணியில் ஏற, அடுத்ததாக வசுந்தரா ஏறியிருக்கிறார். அப்போது பரண் சரிந்து விழ, முதலில் அப்புகுட்டி கீழே விழ, அவர் மீது வசுந்தரா விழுந்திருக்கிறார். ஆபத்துக்கு பாவம் இல்லை, என்று அவரை அப்புகுட்டி இறுக்கி அணைத்துக் கொண்டாராம். பிறகு பயந்தவாரே இருக்க, அதனை சாதாரணமாக எடுத்துக் கொண்ட வசுந்தரா, “உங்க மேல விழுந்திருக்காவிட்டால் அதிகமாக அடிபட்டிருக்கும்” என்றாராம்.
பி.எல்.பொன்னிமோகன் இயக்கியிருக்கும் இப்படத்திற்கு ஜெய்கிருஷ்.கே இசையமைக்க, கே.பி.ரதன் சந்தாவத் ஒளிப்பதிவு செய்திருக்கிறார். பா.பிரவின் பாஸ்கர் படத்தொகுப்பு செய்ய, ஆர்.சரவண அபிராமன் கலையை நிர்மாணித்திருக்கிறார். காதல் கந்தாஸ் நடனம் அமைத்திருக்கிறார். யுகபாரதி, மணி அமுதவன், தமயந்தி ஆகியோர் பாடல்கள் எழுதியிருக்கிறார்.
முடியும் தருவாயில் இருக்கும் இப்படத்தை பால் டிப்போ கே.கதிரேசன் தயாரித்திருக்கிறார்.
உலகளவில் பிரபலமான மார்வெல் படங்களில் ஒன்றான ‘வெனோம்’ திரைப்படத்தின் புதிய பாகம் ‘னொமோம் : தி லாஸ்ட் டான்ஸ்’ என்ற தலைப்பில் உருவாகியுள்ளது...
ஸ்ரீ சித்ரா பெளர்ணவி ஃபிலிம் சார்பில் வி...
நடிகர் மற்றும் தயாரிப்பாளராக திரைத்துறையில் மிகப்பெரிய தாக்கத்தை ஏற்படுத்திய உதயநிதி ஸ்டாலின், அரசியல் உலகிலும் இளம் வயதில் தனக்கென்று தனி இடத்தை பிடித்திருக்கிறார்...