சற்குணம் இயக்கத்தில் விமல், ஓவியா நடிப்பில் வெளியான ‘களவாணி 2’ படத்தின் மூலம் வில்லனாக அறிமுகமான துரை சுதாகரின் மென்மையான வில்லத்தனம் ரசிகர்களை கவர்ந்தது. மேலும், டெல்டா மாவட்ட மனிதராக, கதாபாத்திரத்துடன் ஒன்றிப்போனவருக்கு பாராட்டுக்களுடன், பல வாய்ப்புகளும் கிடைத்திருக்கிறது.
அந்த வகையில், வரலட்சுமி கதையின் நாயகியாக நடிக்கும் ‘டேனி’என்ற படத்தில் முக்கிய கதாபாத்திரத்தில் துரை சுதாகர் நடித்திருக்கிறார்.
பிரபல ஒளிப்பதிவாளரும், இயக்குநருமான பி.ஜி.முத்தையா தயாரிக்கும் இப்படத்தை அறிமுக இயக்குநர் எல்.சி.சந்தானமூர்த்தி எழுதி இயக்குகிறார்.
சஸ்பென்ஸ் த்ரில்லர் ஜானர் படமான இப்படத்தில் வேலராமமூர்த்தி, சாயாஜி ஷிண்டே, அனிதா சம்பத், கவின், ராமர், பாலா உள்ளிட்ட பலர் நடிக்கிறார்கள்.
இப்படத்தில் வரலட்சுமி போலீஸ் அதிகாரியாக நடிக்க, அவருக்கு இணையான ஒரு வேடத்தில் துரை சுதாகரும் போலீஸாக நடித்திருப்பதோடு, வரலட்சுமியே மிரண்டு போகும் அளவுக்கு பர்பாமன்ஸ் செய்திருக்கிறாராம். அதே சமயம், அவர் படத்தில் வில்லனா அல்லது குணச்சித்திர வேடத்தில் நடித்திருக்கிறாரா, என்பதை படக்குழு சஸ்பென்ஸாக வைத்திருக்க, அவரும் அந்த சஸ்பென்ஸை மெயிண்டெய்ன் பண்ணுகிறார்.
இப்படத்தின் ஃபஸ்ட் லுக் போஸ்டர் 5 விதமாக வெளியாகி பெரும் வரவேற்பு பெற்ற நிலையில், சமீபத்தில் செகண்ட் லுக் போஸ்டர் வெளியாகி வரவேற்பை பெற்றுள்ளது. இதை தயாரிப்பாளர் தனஞ்செயன் வெளியிட்டார்.
சினிமா மீது பேரார்வம் கொண்டிருக்கும் துரை சுதாகர், சின்ன வேடம் என்றாலும், தனது நடிப்பு திறமையை வெளிக்காட்டும் படமாக இருந்தால் நடிக்க ரெடியாகவே இருக்கிறாராம்.
அதன்படி இயக்குநர் எழில் உள்ளிட்ட பிரபல இயக்குநர்கள் பலரது படங்களில் முக்கிய வேடங்களில் நடித்து வரும் துரை சுதாகர், கோடம்பாக்கத்தின் கவனிக்கத்தக்க நடிகராக வேண்டும், என்ற கனவோடு தனது சினிமா பயணத்தை தொடர்ந்துக் கொண்டிருக்கிறார்.
தமிழ் சினிமாவில் முதல் முறையாக நிஜமான கணவன் மனைவி தம்பதி, சதா நாடார் - மோனிகா செலினா கதையின் நாயகன், நாயகியாக நடித்திருப்பதோடு, இருவரும் இணைந்து இயக்கி, தயாரித்திருக்கும் படம் ‘இ தகா சைஆ’...
இந்தியாவின் பெரும் பணக்காரரான முகேஷ் அம்பானி, தனது மகன் திருமணத்தை இதுவரை உலகம் கண்டிராத வகையில் பிரமாண்டமாக நடத்தினார்...
ஆர்.கே கிரியேட்டிவ் மேக்கர்ஸ் நிறுவனம் சார்பில் வீரா தயாரிப்பில், அறிமுக இயக்குநர் வசீகரன் பாலாஜி, கதை, திரைக்கதை, வசனம் எழுதி இயக்கியிருக்கும் படம் ‘அப்பு’...