விஜய் தலைமையில் நடந்த ‘தளபதி 64’ தயாரிப்பாளர் மகள் நிச்சயதார்த்தம்!
Saturday December-07 2019

விஜய் நடித்து வரும் அவரது 64 வது படத்தை சேவியர் பிரிட்டோ தயாரித்து வருகிறார். இவர் விஜயின் மிக நெருங்கிய உறவினர் ஆவார். இவருக்கு ஒரு மகன், ஒரு மகள் இருக்கிறார்கள். மகள் சினேகா பிரிட்டோ, சட்டம் ஒரு இருட்டறை 2’ படத்தை இயக்கியிருக்கிறார்.

அப்படத்திற்குப் பிறகு சின்மாவில் ஈடுபாடு காட்டாத சினேகா பிரிட்டோ நடிகர் அதர்வாவின் தம்பி ஆகாஷை காதலித்து வந்ததும், இவர்களுக்கு விரைவில் திருமணம் நடைபெற இருக்கிறது, என்ற செய்தியை ஏற்கனவே நாம் வெளியிட்டிருந்தோம்.

அதன்படி, சினேகா பிரிட்டோ - ஆகாஷ் முரளியின் திருமண நிச்சயதார்த்தம், நேற்று (நவ.6) சென்னை லீலா பேலஸ் ஓட்டலில் நடைபெற்றது.

விஜய் தலைமையில் நடைபெற்ற இந்த திருமண நிச்சயதார்த்தத்தில், ஆகாஷ் மற்றும் சினேகா குடும்பத்தின் நெருங்கிய உறவினர்களும், நண்பர்களும் கலந்துக் கொண்டார்கள்.