2002 ஆம் ஆண்டு வெளியான ‘காதல் கொண்டேன்’ படத்தின் மூலம் தமிழ் சினிமாவில் அறிமுகமான சோனியா அகர்வால் தொடர்ந்து ‘7ஜி ரெயின்போ காலனி’, ‘கோவில்’, ‘மதுர’ என தொடர்ந்து வெற்றிப் படங்களில் நடித்து வந்து ரசிகர்கள் மனதில் இடம் பிடித்த நிலையில், இயக்குநர் செல்வராகவனை காதலித்து திருமணம் செய்துக் கொண்டு சினிமாவில் இருந்து ஒதுங்கினார்.
பிஸியான நடிகையாக இருக்கும் போதே திருமணத்திற்காக நடிப்புக்கு முழுக்குப் போட்ட சோனியா அகர்வாலுக்கு திருமண வாழ்க்கையும் கைகொடுக்கவில்லை. 2006 ஆம் ஆண்டு செல்வராகவனை திருமணம் செய்துக் கொண்ட சோனியா அகர்வால், அவரை 2010 ஆம் ஆண்டு விவாகரத்து செய்துவிட்டார்.
அதற்குள், சோனியா அகர்வாலை ரசிகர்களும், திரையுலகினரும் மறந்துவிட்ட நிலையில், மீண்டும் நடிக்க வந்தவருக்கு சரியான வாய்ப்புகள் கிடைக்கவில்லை. இதையடுத்து விவேக் ஹீரோவாக நடித்த ஒரு படத்தில் அவருக்கு ஜோடியாக நடித்தவர், சில படங்களில் சிறு சிறு வேடங்களில் நடித்து வந்தார்.
இந்த நிலையில், சோனியா அகர்வாலை விட சீனியர் நடிகையான ரம்யா கிருஷ்ணனுக்கு சோனியா அகர்வால், அம்மாவாக நடிப்பதாக தகவல் வெளியாகியுள்ளது.
கெளதம் மேனன் இயக்கத்தில் உருவாகும் வெப் சீரிஸ் குயின். மறைந்த முன்னாள் முதல்வர் ஜெயலலிதாவின் வாழ்க்கை தொடரான இதில், ஜெயலலிதாவாக ரம்யா கிருஷ்ணன் நடிக்க, ஜெயலலிதாவின் அம்மா சந்தியாவாக சோனியா அகர்வால் நடிப்பதாக கூறப்படுகிறது.
திருமணத்திற்குப் பிறகு நடிக்கும் பல நடிகைகளுக்கு தற்போது சில்ல நல்ல கதாபாத்திரங்கள் கிடைக்க, சோனியா அகர்வாலுக்கு மட்டும் இப்படி ஒரு கதாபாத்திரம் கிடைத்திருப்பதை எண்ணி, ஒட்டு மொத்த கோலிவுட்டும், “ஐயோ பாவாம் சோனியா அகர்வால்” என்று பரிதாபப்படுகிறதாம்.
ஏற்கனவே, சில படங்களில் சோனியா அகர்வால் அம்மாவாக நடித்திருந்தாலும், ‘குயின்’ தொடரில் அம்மாவுக்கே அம்மாவாக நடிப்பதை எண்ணி தான் அனைவரும் அவர் மீது பரிதாபப்படுகிறார்களாம்.
தமிழ் சினிமாவில் முதல் முறையாக நிஜமான கணவன் மனைவி தம்பதி, சதா நாடார் - மோனிகா செலினா கதையின் நாயகன், நாயகியாக நடித்திருப்பதோடு, இருவரும் இணைந்து இயக்கி, தயாரித்திருக்கும் படம் ‘இ தகா சைஆ’...
இந்தியாவின் பெரும் பணக்காரரான முகேஷ் அம்பானி, தனது மகன் திருமணத்தை இதுவரை உலகம் கண்டிராத வகையில் பிரமாண்டமாக நடத்தினார்...
ஆர்.கே கிரியேட்டிவ் மேக்கர்ஸ் நிறுவனம் சார்பில் வீரா தயாரிப்பில், அறிமுக இயக்குநர் வசீகரன் பாலாஜி, கதை, திரைக்கதை, வசனம் எழுதி இயக்கியிருக்கும் படம் ‘அப்பு’...