விஜய்க்காக உருவாகும் ‘மெட்ரோ ரயில்’ நிலையம்!
Monday February-24 2020

‘கைதி’ பட இயக்குநர் லோகேஷ் கனகராஜ் இயக்கத்தில் விஜய் நடித்து வரும் ‘மாஸ்டர்’ படப்பிடிப்பு விறுவிறுப்பாக நடைபெற்று வருகிறது. இப்படத்தின் படப்பிடிப்பு முடிவதற்குள்ளாகவே வியாபாரம் முடிந்துவிட்டதால், விஜயின் மார்க்கெட் உயர்ந்திருப்பதாகவும், அடுத்தப் படத்திற்கு அவருக்கு ரூ.100 கோடி சம்பளம் பேசி முடிக்கப்பட்டுள்ளதாகவும் தகவல் வெளியாகியுள்ளது.

இந்த நிலையில், ‘மாஸ்டர்’ படப்பிடிப்புக்காக சென்னையில் மெட்ரோ ரயில் நிலையம் செட் உருவாக்கப்பட்டு வருவதாக கூறப்படுகிறது. இப்படத்திற்காக இதுவரை 17 பிரம்மாண்ட செட்கள் அமைக்கப்பட்டுள்ள நிலையில், தற்போது மெட்ரோ ரயில் நிலையத்தையே செட் போடப்படுவது பெரும் வியப்பை ஏற்படுத்தியுள்ளது. காரணம், இதுவரை எந்த ஒரு படத்திற்காகவும் மெட்ரோ ரயில் நிலையம் செட் போடப்பட்டதில்லையாம். அந்த வகையில், மெட்ரோ ரயில் நிலையம் செட் போடுவது இதுவே முதல் முறை என்றும் கூறப்படுகிறது.

விஜய் சேதுபதி வில்லனாக நடிக்கும் இப்படத்தில் ஆண்ட்ரியா, சாந்தனு, விஜே ரம்யா, மலையாள நடிகர் அந்தோணி வர்கீஸ், மாளவிகா மேனன் உள்ளிட்ட ஏராளமான நட்சத்திரங்கள் நடித்து வருகிறார்கள்.