பிரபல நடிகையும், பாடகியுமான பரவை முனியம்மா மரணம்!
Sunday March-29 2020

விக்ரமின் ‘தூள்’ படத்தில் “சிங்கம் போல...” என்ற பாட்டு பாட்டியதோடு, அப்படத்தில் விக்ரமின் பாட்டியாகவும் நடித்து பிரபலமானவர் பரவை முனியம்மா. பிரபல கிராமத்து பாடகியான இவர், சினிமாவில் அறிமுகமான பிறகு தமிழகம் முழுவதும் பிரபலம் ஆனார்.

’தூள்’ படத்தை தொடர்ந்து ‘தோரணை’, ‘சண்ட’, ‘வீரம்’ உள்ளிட்ட பல படங்களில் நடித்தும், பாட்டு பாடியும் வந்த பரவை முனியம்மா, நாட்டுப்புற பாடல்களையும் பாடி வந்தார்.

இதற்கிடையே, கடந்த பல நாட்களாக உடல்நலம் பாதிக்கப்பட்டு மருத்துவமனையில் சிகிச்சை பெற்று வந்தவர், கடந்த சில மாதங்களுக்கு பிறகு சிகிச்சை முடிந்து வீடு திரும்பினார்.

இந்த நிலையில், மீண்டும் உடல் நலம் பாதிக்கப்பட்டு தீவிர சிகிச்சை பெற்று வந்த பரவை முனியம்மா, சிகிச்சை பலன் இன்றி இன்று அதிகாலை உயிரிழந்தார்.