டிவி நிகழ்ச்சிகளில் ரசிகர்களின் பேவரைட் நிகழ்ச்சி பிக் பாஸ் தான். இந்தியில் சுமார் 13 சீசன்களை கடந்திருக்கும் இந்த நிகழ்ச்சி தமிழில் இதுவரை மூன்று சீசன்கள் ஒளிபரப்பாகியுள்ளது. கமல்ஹாசன் தொகுத்து வழங்கிய மூன்று சீசன்களும் ரசிகர்களிடம் பெரும் வரவேற்பு பெற்றது. அதிலும், மூன்றாவது எப்பிசோட் காதல், தற்கொலை முயற்சி, கோஷ்ட்டி மோதல் என்று அமர்க்களப்படுத்தி விட்டது.
இதனால், பிக் பாஸ் போட்டியின் நான்காவது சீசனுக்காக ரசிகர்கள் காத்துக் கொண்டிருக்கும் நிலையில், நான்காவது சீசனுக்கான போட்டியாளர்கள் தேர்வுக்கான பணிகள் தற்போது தொடங்கப்பட்டிருப்பதாக தகவல் வெளியாகியுள்ளது. கடந்த சில நாட்களுக்கு முன்பு 17 பேர் கொண்ட போட்டியாளர்களின் பட்டியல் ஒன்று வெளியாகி வைரலானது. ஆனால், அது அதிகாரப்பூர்வமான பட்டியல் இல்லை என்றாலும், அதில் இருக்கும் சில பிரபலங்களிடம் பிக் பாஸ் குழு பேச்சுவார்த்தையில் ஈடுபட்டிருப்பதாக நம்பத்தகுந்த வட்டாரத்தில் இருந்து தகவல் வெளியாகியுள்ளது.
இந்த நிலையில், பிக் பாஸ் சீசன் 4-க்காக கோலிவுட் கதாநாயகிகள் சுனைனா, அமிர்தா, அதுல்யா, ரம்யா பாண்டியன் ஆகியோரிடம் பேச்சுவார்த்தை நடைபெற்று முடிந்திருப்பதாகவும், இவர்கள் அனைவரும் பங்கேற்பது கிட்டதட்ட உறுதி செய்யப்பட்டுள்ளதாகவும் கூறப்படுகிறது.
இந்த நான்கு கதாநாயகிகளும் சரியான பட வாய்ப்புகள் இன்றி தவித்து வரும் நிலையில், பிக் பாஸ் போட்டியில் பங்கேற்றால் அதன் மூலம் பட வாய்ப்புகள் அதிகரிக்க வாய்ப்பிருப்பது என்று கருதியதால், பிக் பாஸ் சீசன் 4-க்கு ஓகே சொல்லி விட்டதாகவும் கூறப்படுகிறது.
எது எப்படி இருந்தாலும், பிக் பாஸ் சீசன் 4 நிகழ்ச்சிக்கான அதிகாரப்பூர்வ அறிவிப்பு கொரோனா பிரச்சினை ஓரளவு முடிவுக்கு வந்த பிறகே வெளியாகும் என்றும் கூறப்படுகிறது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...