தென்னிந்திய சினிமாவின் முன்னணி ஹீரோக்களின் படங்களில் ஹீரோயினாக நடித்த ஸ்ருதி ஹாசன், திடீரென்று திரைப்படங்களில் நடிப்பதை நிறுத்தியவர், இசைத் துறையில் தனது கவனத்தை செலுத்த தொடங்கினார். லண்டனில் பல்வேறு இசை நிகழ்ச்சிகளில் பங்கேற்றவர் தற்போது மீண்டும் திரைப்படங்களில் நடிப்பதில் கவனம் செலுத்த தொடங்கியுள்ளார்.
அதன்படி, தமிழ், தெலுங்கு மற்றும் இந்தி திரைப்படங்களில் நடித்து வரும் ஸ்ருதி ஹாசன், அப்படியே இசைத் துறையிலும் கவனம் செலுத்தி வருகிறார். இத்துடன், சமூக வலைதளங்கள் மூலம் ரசிகர்களுடன் கலந்துரையாடுவதையும் தொடர்ந்து வருகிறார்.
இந்த நிலையில், ஸ்ருதி ஹாசன் புதிதாக யூடியுப் சேனல் ஒன்றை தொடங்கியுள்ளார். நடிகர், நடிகைகள் பலர் யூடியுப் சேனல் தொடங்கி வந்தாலும், அவர்கள் பட வாய்ப்புகள் இல்லாததால் அதில் இறங்குகிறார்கள், என்ற கருத்து நிலவுகிறது. ஆனால், ஸ்ருதி ஹாசன் பிஸியான நடிகையாக இருக்கும் போதே, யூடியுப் சேனல் தொடங்கியிருப்பது ரசிகர்களுக்கு சற்று அதிர்ச்சியளித்துள்ளது. இருந்தாலும், ஸ்ருதி ஹாசன் தொடங்கியுள்ள யூடியுப் சேனலில் பல அரிய கானொளிகள் ஒளிபரப்பாக இருக்கிறதாம்.
ஆரோக்கியம், உடற்பயிற்சி, சமையல்கலை, ஒப்பனை குறிப்புகள் என தனது சமூக ஊடக ரசிகர்களுக்காக செய்து வரும் ஸ்ருதி, தனது இசை சுற்றுப் பயணத்திலிருந்து இதுவரை யாரும் பார்த்திராத காணொலிகளையும், தான் மெட்டமைத்திருக்கும் பாடல்களின் முன்னோட்டங்களையும் தனது யூடியூப் சேனல் வழியாக வெளியிடவிருக்கிறார்.
ஸ்ருதி, பிரிட்டைன் முழுவதும் இசை நிகழ்ச்சிகளுக்காக சுற்றுப் பயணம் செய்துள்ளார். தனது முதல் ஆல்பத்துக்கான வேலைகளிலும் ஓய்வின்றி ஈடுபட்டு வருகிறார். தனது யூடியூப் சேனல் மூலமாக தான் உருவாக்கிய படைப்புகளையும், உலகம் முழுவதும் அவர் மேடையேற்றிய இசை நிகழ்ச்சிகளிலிலிருந்து, பார்த்திராத காணொலிகளையும் வெளியிடவிருக்கிறார்.
இது குறித்து ஸ்ருதி ஹாசன் கூறுகையில், “சமூக ஊடகத்தில் ரசிகர்களுடன் உரையாடியது எனக்கு மிகுந்த மகிழ்ச்சியைத் தந்தது. தொடர்ந்து இயங்கும் ஒரு யூடியூப் சேனல் தான் அடுத்த சரியான படியாக இருக்கும் என்று நினைக்கிறேன். எனது அசல் படைப்புகள் , எனது இசை நிகழ்ச்சிகளின் காணொலிகள், இசை நிகழ்ச்சிகளுக்கு பின்னால் நடந்த ஏற்பாடுகள் குறித்த காணொலிகள் என அனைத்தும் என் யூடியூப் சேனலில் இருக்கும்.” என்கிறார்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...