மனோரமா, கோவை சரளா போன்றவர்கள் அளவுக்கு இல்லை என்றாலும், தமிழ் சினிமாவின் காமெடி நடிகைகளில் ஒருவராக அடையாளம் காணப்பட்டவர் வித்யூலேகா. குணச்சித்திர நடிகர் மோகன் ராமனின் மகளான இவர், கெளதம் மேனனின் ‘நீதானே என் பொன்வசந்தம்’ படம் மூலம் தமிழ் சினிமாவில் அறிமுகமாகி தொடர்ந்து ‘ஜில்லா’, ’வீரம்’, ‘மாஸ்’, ‘புலி’, ‘வேதாளம்’ உள்ளிட்ட பல படங்களில் நடித்து வந்தார்.
இதற்கிடையே, குண்டாக இருந்த வித்யூலேகா திடீரென்று தனது உடல் எடையை குறைத்து அனைவரையும் ஆச்சரியத்தில் ஆழ்த்தினார். மேலும், தனது புதிய தோற்றத்தின் புகைப்படங்களை சமூக வலைதளங்களில் வெளியிட்டு வைரலாக்கினார்.
இந்த நிலையில், வித்யூலேகாவுக்கு திருமணம் நிச்சயம் செய்யப்பட்டுள்ளது. ஊரடங்கில் மிக எளிமையாக நடைபெற்ற தனது திருமண நிச்சயதார்த்தம் புகைப்படத்தை சமூக வலைதளப் பக்கத்தில் வெளியிட்டுள்ள வித்யூலேகா, தனது திருமணம் மற்றும் வருங்கால கணவர் பற்றிய விவரங்களை விரைவில் அறிவிக்கிறேன், என்று மட்டும் தெரிவித்துள்ளார்.
தமிழ் மட்டும் இன்றி தெலுங்கு சினிமாவில் பிஸியாக வலம் வரும் வித்யூலேகா, உடல் எடையை குறைத்ததால் காமெடி மட்டும் இன்றி சில சீரியஸான கதாப்பாத்திரங்களில் நடிப்பதிலும் ஆர்வம் காட்டப் போகிறாராம்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...