கடந்த ஜனவரி மாதம் வெளியான ‘பச்சை விளக்கு’ என்ற திரைப்படம் பத்திரிகையாளர்களிடம் வெகுவாக பாராட்டு பெற்றது. ”மக்கள் நிச்சயம் பார்க்க வேண்டிய ஒரு படம்” என்று பல பத்திரிகைகள் பாராட்டிய இப்படத்திற்கு தற்போது சர்வதேச அங்கீகாரம் கிடைத்திருக்கிறது.
டாக்டர்.மாறன் இயக்கி நடித்த இப்படம், காதல் என்ற பெயரில் பெண்களை ஏமாற்றி, அதன் மூலம் அவர்களை ஆபாசப் படம் எடுத்து, அதை வைத்து பணம் பறிக்கும் கும்பலை தோலுரித்துக் காட்டியது. மேலும், சாலை பாதுகாப்பு என்றால் என்ன? என்பது குறித்து விவரித்ததோடு, இதுவரை எந்த திரைப்படத்திலும் சொல்லாத சில சாலை விதிகளையும் சொல்லியிருந்தது.
பூடான் நாட்டில் உள்ள பரோ என்ற இடத்தில் நடைபெற்ற ‘ட்ரக்’ என்ற சர்வதேச திரைப்பட விழாவில் பங்கேற்று, சிறந்த சமூக விழிப்புணர்வுக்கான படம் என்ற விருதைப் பெற்றுள்ளது.
மேலும், இந்தியாவில் நடைபெற்ற ‘ட்ரிப்விள்’ சர்வதேச திரைப்பட விழாவில், சிறந்த படத்திற்கான விருதையும் இப்படம் வென்றுள்ளது. அதேபோல், நியூயார்க், லண்டன் போன்ற இடங்களில் நடைபெற்ற சர்வதேச திரைப்பட விழாக்களில் அதிகாரப்பூர்வ தேர்வாக இப்படம் கலந்துக் கொண்டுள்ளது.
இது குறித்து நடிகரும், இயக்குநருமான டாக்டர்.மாறன் கூறுகையில், “முதல் முயற்சிக்கு கிடைத்த இந்த பாராட்டு, இன்னும் நல்ல படங்களை தருவதற்கு, நம்பிக்கையை ஏற்படுத்தியுள்ளது.” என்றார்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...