தமிழ் சினிமாவின் முக்கியமான திரைப்படங்களின் பட்டியலில் உள்ள, ‘அவள் அப்படித்தான்’, ‘கடலோர கவிதைகள்’, ‘பன்னீர் புஷ்பங்கள்’, ‘சீவலப்பேரி பாண்டி’ உள்ளிட்ட பல படங்களுக்கு கதை, திரைக்கதை, வசனம் எழுதிய கே.ராஜேஷ்வர், ‘அமரன்’, ‘அதே மனிதன்’, ‘இந்திர விழா’ உள்ளிட்ட பல படங்களை இயக்கியும் உள்ளார். இவரது மகன் விக்ரம் ராஜேஷ்வர், தற்போது இயக்குநராக தமிழ் சினிமாவில் அறிமுகமாகிறார்.
5 ஆண்டுகளுக்கும் மேலாக விளம்பரப்பட உலகில் பிரபலமான இயக்குநராக வலம் வரும் விக்ரம் ராஜேஷ்வர், கோலிவுட்டில் இயக்குநராக கால் பதிக்கும் தனது முதல் படத்திற்கு பாபி சிம்ஹாவை ஹீரோவாக தேர்வு செய்துள்ளார்.
கே.ராஜேஷ்வர் கதை, திரைக்கதை வசனத்தில் உருவாகும் இப்படம் கேங்க்ஸ்டர் படமாகும். இப்படத்தின் கதையை கேட்டவுடன் ஓகே சொன்ன பாபி சிம்ஹா, தனது சினிமா பயணத்தில் இப்படம் முக்கியமான படமாக அமையும், என்று நம்பிக்கையும் தெரிவித்துள்ளார்.
தற்போது இதன் ஆரம்பக்கட்ட பணிகள் மும்முரமாக நடைபெற்று வருகின்றன. 2021 ஆம் ஆண்டு தொடக்கத்தில் இதன் படப்பிடிப்பு தொடங்கவுள்ளது. இப்படத்தின் ஹீரோயின் உள்ளிட்ட மற்ற விவரங்கள் விரைவில் அறிவிக்கப்பட உள்ளது.
ட்ரீம் ஹவுஸ் நிறுவனம் சார்பில், இயக்குநர் ஹாருன் தயாரித்து, எழுதி, இயக்க, சோனியா அகர்வால், ஸ்ம்ருதி வெங்கட் நடிப்பில், மாறுபட்ட மிரட்டலான ஹாரர் திரில்லராக உருவாகியுள்ள 7G திரைப்படம் உலகமெங்கும் ஜூலை 5 ஆம் தேதி வெளியாகிறது...
ஒலிம்பியா மூவீஸ், மக்களை மகிழ்விக்கும் வகையிலான பல பொழுதுபோக்கு திரைப்படங்களை வெளியிட்டு வருகிறது...
சமீபத்தில் வெளியான டிரெய்லரைத் தொடர்ந்து எட்டுதிக்கும் ’கல்கி 2898 கிபி’ படத்தின் பேச்சாகவே இருக்கிறது...